الـزيـن شـرقـي

[محمد الزويد]

السلام عليكم و رحمة الله و بركاته


[poem=font=",5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ايقنت بأن العين لا يمكن تْنام=الا بعد ما اغوص في جال بحرك
تعال واحضني طفل وده فْطام=محتاج حيل يْذوق معسول صدرك
خلني أسافر بك على بْساط الاحلام=حظه بِساط الريح لو طار بأمرك
ينخاك برج ايفل و تنخاك الاهرام=و ينخاك ملهم وده يْزور قصرك
اختار وين تْروح واقول قدام=أشـّر وانا الخطاط واخط سطرك
وان كنت ناويني ترى القلب لوّام=كلي غديت أحطاب في نار جمرك
ياواسع العينين خذ مني الهام=شاعرك بأوصاف الحلا صار يدرك
الوجه يضوي نور ما يحجبه لْـثام=فيك الخجل جذاب و يْزيد قدرك
العين لو تغمز رمت روحي سْهام=اغازل عيونك و ابادلْك سهرك
الزين شرقي و الملامح من الشام=فيك اجتمع نورين و أحلوّ بدرك
يازين حظ الروج لو صار رسام=يعطي الشفايف فنّ في رسم ثغرك
خدك طري ما يقوى يْحكه ابهام=لا تجرحه و تقول بأسباب ظفرك
المشط بايدك تعزف سْنونه انغام=وتسريحتك تغتـر لافتلّ شعرك
الطول عزّ و هيبتك عز حكـّام=كأن المشاعر شعب تنقاد بأمرك
ما أحلاه مشيك و السلاسل بالاقدام=تميل معك العين لو مال خصرك
كل شهرة ديور و حضوره بالاعلام=بأسباب لما أصبح اليوم عطرك
الزين يتغيـّر مع مر الأعوام=وفيك الجمال يزيد و ان زاد عمرك
من شاف وجهك يبتسم كيف ينلام=وسْنونك البيض ألمعت وسط ثغرك
من هو الذي يا زين ذاق الحلا و صام=صبري تهاوى وانت يا طول صبرك
معذور قلبي لو غدى منك منظام=يجن عقلي كلّ ما شفت زهرك
واللحين قول ان شفتني قادر انام=والقلب طول الليل شاغله ذكرك
[/poem]