آه الكراسي

[أنثى جموح]

	الهم : لا ما يقدر والكم : زايد أشكره والغم -لو عدّت سنينه- ما يلين بالعكس ؛ قاسي ؛ دمّره ! ، واللي انكسر : يستأجره علّه إلى منه كسر ظهره : خذا .... .......................... رجله لـِ ثاني : يجبره ! وين ما لدّت عيوني تلتقي آه الكراسي ............... تتّكي بالحيل لانّ الهمّ لا ما تقدره لو سكتّ اشوي تسمع ونّة الـ عاشق وقاسي ............... ونة اللي ما عرف : كيف المشاعر تكسره ؟ تبكِ لكن لا دموع اتغسّل الغم النحاسي ............... صامته بس تشتكي جورً تِعَجْز ان تجهره تجلس ألوان الصبايا والعطر شيً أساسي ............... والوجع ماحسّ به ، خصّ الذي هو ينشره والأماني وحدها صاير لها التاريخ ناسي ................ والغياب أصبح قدر لازم تعيش وْ تصبره والفضول اللي سكن كل البشر ماله مراسي ................ والفصول أضحت خريفٍ بعد ماهي مزهره والمكان اللي جمع قلبين من دون الأناسي ................ انحنى فيه الجدار وْ جا يدوّر معذره بعد ما كانت أحبك راحةٍ في قاع ياسي ................ صارت الراحات شيٍ لو تطوله تخسره شربة الفرقى مريره ما نفع كسري لكاسي ................ من يجرّبها تجي له غصةٍ في حنجره من نكر للعشق مرّه : خان في وقتٍ قياسي ................. ما ذكر مسلوب روحه والحسايف تنحره من يذوق الجرح مره : عاش باسلوب احتراسي .................. ما رضى خوض الأماني بأي شيٍ يبهره وان حصل ثم جاه غاوي : عاش في حال التباسي ................... ما يبي يظلم غريمه وان تمادى : يحقره وان رحل كل الأوادم طاح في هالراس فاسي .................... ثم لقى نفسه وحيدٍ والخواطر تنثره وين ما لدّت عيونه : تلتقي آه الكراسي .................... يتكي بالحيل لان الهمّ لا ما يقدره ! الهم لا ما يقدره ! الهم لا ما يقدره ! الهم لا ما يقدره !

 

[هيفاء الزامل]

..:: أنثى جموح ::..


الشعر هنا حالة إستثنائية سيوقف لسان كل ما يدار حول الشعر النسائي وهبوطه ليثبت قوته وجزالته
القلب يلوذ بـ أمن حرفك وروعة الشعور الـ سكبتيه بكل عذوبه
صح لسانك مدد
دمتِ كما تتمنين وأكثر







.

 

[سعيد الموسى]

.
.
.

قصيدة ٌ ناضجة ...
شكراً لك ِ عليها

 

[تفاصيل منسيه]

أنثى جموح..
أنت لست شاعرة !! بل فنانه تتقن اللعب بالكلمات وكأنها ألوان,,
أسرتني هذه اللوحه بتعابيرها الأخاذه..
صح نبضك على هذا الإحساس..
وتقبلي مروري!!
دمتِ بود

 

[صالح الشملاني]

وش اصعب من منجآة الكراسي !!
انثى
رغم الفقد وصوة الهم بالنص الى انه تغلغل الى الروح
شكراً لك وصح الله السانك

 

[خلف المهيلان]

جموح الشعر مبدعه ايه النقيه لي عوده تليق بك وبه

 

[أنثى جموح]

المشاركة الأصلية كتبت بواسطة ماجد العيد

جميلة يا أنثى ..
و شعر يستمطر الأرواح لتقع عليه و تحياه ..
أشكرك كثيراً ..

العيد : ماجد

والحياة في قطرات حروفك الندية في ردٍ كهذا !

 

[أنثى جموح]

المشاركة الأصلية كتبت بواسطة هيفاء الزامل

..:: أنثى جموح ::..


الشعر هنا حالة إستثنائية سيوقف لسان كل ما يدار حول الشعر النسائي وهبوطه ليثبت قوته وجزالته
القلب يلوذ بـ أمن حرفك وروعة الشعور الـ سكبتيه بكل عذوبه
صح لسانك مدد
دمتِ كما تتمنين وأكثر







.

الأنيقة هيفاء
لي الحق بأن أرفع رأسي (أكثر) بعد ردٍ كهذا ...

،

شكراً لك