" ترانيم والكل بموت حبي معازيم "

[علي المحمد]

مريت
وفي احضان المكان ارتميت
نفس الوجيه
نفس اللي يعزف الحان الحب في صدري
معه قيتار
مر الزمان وشاب
معطفه أسود مثل الزمان أغبر
وكسى راسه شيب لونه مال للفضي

تذكرت حب مات
وورد شوك أغصانه جرح يدِي
هنا وقف نادل
وهنا عشنا حلمنا الوردي

بيدي صفحة بيضاء
وحبرٍ ينزف أشواقي ونوحي وسهدي

وقمت أنادي
حلمٍ مات وتاه بعنادي

مدري من مين الخطا
ومن اللي قصر بالعطا


والنهايه..

راحت ولاعلمتني
حتى ولا كلمتني
وبيدينها للعذاب
وللسهر سلمتني

يعني نست من اكون
او كيف حالي بيكون
عشان بس تعرفون
شقد هي ضالمتني

راحت وانا اسأل وراها
ودموعي عيني تهل
معقول للحد هذا
انا فراقي سهل

ماتدري اني ابيها
قلبي تعود عليها
وعشت مخدوع فيها
لين ماألمتني
راحت وماعلمتني

لو قلت بندم أحس حرام فيها الندم
لأني ماشفت منها غير التعب والألم

وان كان هذا جزايا
على جروحي وعنايا
ببعد وربي معايا
وانسى انها عذبتني
راحت وماعلمتني..