تعال واكتب حالتك/لحظتك شعراً ..!

[غاده]

‏تمر الليالي و اتعاقب و انا وياه
‏نروح و نعوّد كل فتره على الثاني
‏ٰ
‏انا كل ما ضيّق علي الزمان ألقاه
‏وهو كل ماضيّق عليه الوله جاني .

 

[عبدالله السعيد]

للشاعر الكبير احمد الناصر الشايع رحمه الله :
اه يــامـــل عــيـــن مــاتــنــام
كــن فيـهـا رمــد ولا هـــزوم
اسهـر الليـل مـن زود الغـرام
واتقلـب مغـيـر اقـعـد واقــوم
كن لي بالمرض عشرين عـام
الله اقـوى وهـن عشريـن يـوم
يـاهـل الخـيـر ودولــه ســلام
سلمـو لـي عليـه اكبـر لــزوم
لاتـفـك اللـحـام مــن الـلـحـام
اثر قلبـك علـى الفرقـا عـزوم
كيـف ابنـسـاك يـابـدر التـمـام
جعـل ربـي يلـوم اللـي يـلـوم
الذوايـب عـلـى حــد الـحـزام
والردايـف مثـل شـط الـردوم
دام لـي بالهـوا شــف ومــرام
ماقبـل الا انـت بالدنيـا عـمـوم
غيرك البيض عشرتهن حرام
انـت مثـل القمـر بيـن النجـوم
وانت نور البلد عقـب الظـلام
وانت جنسك مع الناس معدوم
مــن تـولـع بـعـرفـك مـايــلام
لـيـت حـبـك تغطـيـه الـهــدوم
اشـهـدانـك تـظـيـم ولا تـظــام
يـامـعـذب قـبـيـلـك بـالـهـمـوم

هامش /
الذوايب يقصد بها اطراف الشعر
مثل اغنية راشد الماجد " سألنا عنك "
لما قال:
كما القنديل يضوي لي جبينك
وعلى متنك تحدّرن الذوايب

والردايف شوفوا احد باخص يعلمنا معناها
هههههههه

 

[عبدالله صلال العساف]

ماعادت الذكرى تجيبك على البال
حنا مثل مانتم سليتوا .......سلينا

عبدالله العساف

 

[نورة القحطاني]

عذري
‏ بأني قد تنفست الأسى
‏وبنيت من وهج الحنين قصورا
‏.
‏وأسفت من شطرٍ يباغت عبرتي
‏ل تجول أحداق القصيد غرورا
‏.
‏هبني انكفأت بغربتي
‏أيسرهم !؟
‏أني أعدت المجد فيك حضورا

 

[سلطان الدوسري]

.
.
‏ذنبك يجي مغفور قبل اقترافه
دام الهوى والعشق مافيه توبه

خلّك كذا ثم اقترفني ظرافه
احذر تتوب وثم تبدا عقوبه .!
.
.

 

[حنان العصيمي]

ماني بظامي ولا انت العد والمشرب
أنا أكثر اللي يغيب وتحضر أشباهي



( نواف التركي )

 

[سلطان الدوسري]

.
.
‏انتظرتك في حدود الفجر مابين الخيوط
واستباح النور جرحي والتوى عذرٍ ردي

‏اذبحيني فدوةٍ لك .. مايجيني هالقنوط
مايئست برب خالق .. ثم قلبٍ في يدي

‏يعني أرجع من جديد وارتفاعي من هبوط
نبتدي باشواق حب .. نقول يلزمنا فدي
.
.

 

[نورة القحطاني]

واسهر
‏اسولف مع الذكرى
‏ولو مرّت
‏صورة خيالك
‏يفزّ القلب .. يدعيها !
‏.