.. وشوشة

[ناديه المطيري]

البارحة مرّيت بضْفافك [ الما ]
.................. وانت الْـ تشـح بغيمتك فـي سمايه
ما كل شيٍّ تلمسه فيـك يسمى
................. شفْ صورتك [ ياقبحها ] فِـ المِرايه
مرّيت في بالي ضمن جملة [ أسما ]
..................شف كيفه [ اسمك ] مالقيته معايه!!!

.

.

.

 

[ناديه المطيري]

المشاركة الأصلية كتبت بواسطة ناديه المطيري

[ الصِّبْح ] طِفْلٍ صغير ٍ نايِم ٍ فيني
...............لا جيتَ ابَصْحى تِفَزِّزْني عَصافيرَهْ
و[ اللّيلِ ] كَهْلٍ يِحِط الْيـاس بيديني
..............وانْ جيتَ ابَسْهَرْ تِحاصِرْني دِياجيرَهْ

.


.

[ الصِّبْح ] طِفْلٍ صغير ٍ نايِم ٍ فيني
...............لا جيتَ ابَصْحى تِفَزِّزْني عَصافيرَهْ
و[ اللّيلِ ] كَهْلٍ ضريرٍ ياخِذْ ايديني
..............لَـ [ احْلامِنا ] واتعثّر في دياجيرَهْ

.
.

 

[ناديه المطيري]

وين يدّك ؟!! شوف أنا كلّـي أيادي
..........................دثّر الأشواق في دافي يِديّه
يا كثر ما كنت أفكّـر بـك / وانادي
.........................لين بحّ الصوت والأحلام فيّه
وان تماديت الغياب اليوم [ عادي ]
......................ويش اسوّي!؟ وِانْتَ تِتْكَبَّرْ عليّه
منت أول من خذل فيني حصـادي
...................ولا انت آخر من ترك جرحه هديّة

.


.

 

[ناديه المطيري]

ياصَـديقي / ياصَديـق الأُمْنِيـاتْ
...............إِمْطِر احْساسي أَمَلْ/ وَصْل/وْسَلامْ
وِانْ ذِبَلْت وْجَفَّت الْغيمات | هـاتْ
..............قَلْبَك الْأَبْيَضْ [ تَميمة ] لِلْغَمـامْ

.
.
.

 

[ناديه المطيري]

كِلِّما هَدَّ الْـحِزِنْ حيلـي وِجـيتْ
........................لَجْلَ ادَوِّرْ بَهْ صَـدِرْ أَبْـكي عَليهْ
آتَعَثَّرْ | وَاكْتِبَ الْدَمْـعات [ بيتْ ]
........................أَشْطُـبَهْ ثُمَّ اكْتِبَهْ بِحْـروف تيـهْ
مِنْ كِـثِرْ مِنْ قَـسْوَةِ الدِّنْيا بِكيتْ
.......................آتِساءَلْ [ عَنْ سِبَبْ قَسْوَتْه ليهْ؟!]




.


.

 

[ناديه المطيري]

جاي يسأل : ( ما وحشتِك ؟؟!!
ما سألتي ليه غايب ؟!! )

/
/
/
ارتبكت
وفز قلبي ,,ثم قلت :

ما تخيّرت الغياب اللي تعبني
واثقل حمولي ومتني
( ليه غايب ؟ )
يا كثر ما كنت أردد هالسؤال المر
وابحث عن اجابة
قلتلك : ( إنّا نتشابه )؟!
واذكر إنك قلتلي ( مابه تشابه ,, نختلف في كل شي )
واذكر اني كنت ابكي وارسم البسمات ضي
قبل لااضيّع طريقي في الظلام وفي الكآبة
ورغم هذا مانسيت
كل لحظة كنت فيها ابتسم لنِّك بجمبي
حتى لو إنت نسيت
وجاي تسألني بعد هذا الغياب اللي فرضته : ( ما وحشتِك ؟!!! )
ممكن أسأل : ( ما وحشتَك ؟!! )
لو تجاوبني بتعرف انها ذات الاجابة
وقتها يمكن تلاحظ اننا كثير نتشابه


.


.

 

[ناديه المطيري]

الذين يشاهدون محتوى الموضوع الآن : 6 ( الأعضاء 1 والزوار 5)
‏ناديه المطيري


ممتنة لوجودكم هنا ( وردة )

 

[ناديه المطيري]

حاوَلْتَ اعيد لْوَجْه الافْراح [ ماءَهْ ]
.....................فَرِّ الْغَمام اللّي تِمَنّيت وَسْمَهْ



.

.