[ فهرس لـ أبعاد ذائقتكم الشعرية ] .. ؟!

[عبدالله عليان]

لا تقومني .. وانا ضلع اعوجاج
ينكسر بايديك قلبي .. يا غشيم

الرضى محتاج له وقت ومزاج
وما هقيتك طمس .. بطباع الحريم

خالفك قلبي على الغلطه .. وراج
روجه الزهره .. على كف النسيم

من كسر قلبي تشربه الهماج
ومن جبر كسري .. فأنا قلبي كريم

يشرب الدنيا من ايديني ثجاج
وتصبح لقلبه ملذات .. ونعيم

ومن قصد جرحي .. زما بحري وهاج
يغرق بموجي .. ولو باسه عظيم


ريمية

 

[عبدالله عليان]

تمادي في ابتكار البرد و المنفى
........... تمادي واتمادى في خيالاتي

بصوركِ دفى أحضان لين اغفى
......... او انسج سيرتك موطن لآهاتي

أو استنزف طيوفك والطيوف اوفى
........... واضمد باللقا يا المبعده ذاتي

لأني من عرفتك ما عرفت اشفى
......... لأني من فراقك جرحي.. اثباتي

تخيلت الحياه بدون حس اصفا
.......... ولا عشت الحياه الا بمعاناتي

لأنك ياحياتي موطن و منفى
......... وانا المنفي لذا عشت بخيالاتي

ولأنك جرح كان الطيف لي اوفى
......... يبلسم لي لقا لين التقي ذاتي

عبدالله البلوي

 

[عبدالله عليان]

وين رايح؟
التفت.. سلّم علينا..
ما روينا من حنانك..
ومنك والله ما اكتفينا..
وين رايح ..
يابومتعب؟
وقتنا برد بغيابك..
ومؤلم وقاسي ومتعب..
ما عرفنا ايش تعني..
سافروا ما ودعونا..
لين فارقناك يا من..
كنت أبونا..
وكنت أخونا..
نذكر إنك قلت مرة :
دامكم أنتم بخير ..
مثلكم أنا بخير ..
بس طوّلت الغياب..
وطال ليل الناس دونك ..
وأصبح أحزان وجروح ..
تكفى ارجع بس لحظة..
ولوّح بكفك لنا مرة وروح..

سليمان الصقعبي

 

[عبدالله عليان]

لاخر لحظة من عمري اقلك انت محبوبي

وحبك في دمي بيجري وطيفك نور في دروبي

ياريت العمر يتوقف على حالة هناا جنبك

نعيش فيها ولانخفف من الشوق الى مايوصف

ونتهادى ورود الحب ونروي فيها نشوة حب

واقلك انت محبوبي

حبيبي تعبت الايام تنادينا نسايرها

تعبنا وصحت الأحلام وفرصتنا في حاظرها

احبك يارشيق القد

احبك في اللقى والصد

احبك والدموع الخد

احبك مهما كان الرد

وانا في حالتي معذور بربك لاتلوم مجبور

انت منايا مطلوبي

يارتني املك الافراح واتصرف بها وحدي

واعرف كم بقالي جراح وكم ساعة هنا عندي

أخلي فرحنا دايم و أخلي عمرنا نايم

وأقول لشوق من انت توكل روح ياظالم

ونتهادى ورود الحب ونروي فيها نشوة قلب واقولك

أنت محبوبي



إبراهيم خفاجي

 

[عبدالله عليان]

وليله كانت الفرقا
و قالت لي .. فـ أمــان الله
و ليله ذكرها يبقى
على جرحي .. و لا انساه
و جت تاخذ رسايلها ..
و خصله من جدايلها
و تديني جوباتي
بقايا عمر بسماتي
و قالت لي .. فـ أمــان الله

في ليله كنها الليله عرفتك بسمتي و فجري
و ليله زي ذي الليله و هبتك في الأمل عمري
و يا ليت البسمه ما كانت ولا الاحساس
وياليت الدنيا خانتني و كل الناس
و لا خنتي هواي انتي
و لا قلتي .. فـ أمـان الله

لا تردين الرسايل ويش اسوي بالورق
و كل معنا للمحبه ذاب فيها و احترق
لو تركتيني في ليله بسمتك عند الرحيل
دمعة العين الكحيله عذرها الواهي دليل
و ليله كانت الفرقا
و قالت لي فـ امان الله


بدر بن عبدالمحسن

 

[عبدالله عليان]

أنا مُمتن
لصوتك للطرب للفن
واصل سلطنه باحساس
وواصل غن
/
/
أنا مُمتن
على لطفك وحسن الظن
يعبر لي دفا صوتك
على ما كن
/
/
أنا مُمتن
إذا قلبك لقلبي حن
ياما قد تعب لجلك
وياما ون
/
/


عوض القرني

 

[عبدالله عليان]

http://www.fatahilah.com/showthread.php?t=27290)

علي آل شيبان

 

[عبدالله عليان]

بوح_الحفيف


البشر وقت الظما مثل السراب
.........لا ظميت اقطع رجا القلب العفيف


الطمع خلّيه في منشي السحاب
...............ربك اللي لو يشا برٍّ لطيف


من يحن الغيث يحْضنه التراب
............تتولد زهره على رغم الخريف


بعد عسر اليسر يصرخ بالجواب
............لا وعاه القلب تسمع له رفيف


ايه هالدنيا غدت غابٍ وغاب
............الأمان وياكل الصلف الضعيف


ليتني عصفور يا عصر الذياب
...........لا لمح ناسٍ حضن غصنٍ رهيف


باح حزنه في صفيره والغياب
..........وراح يسمع بالورق بوح الحفيف


هذي الدنيا بشر!! ذبح وعذاب
..............من يبي يبحر تغشّاه النزيف


هذا أنا صديت واعلنت الغياب
........وش بقى يالعالم الشْرس المخيف

برهان المناصير