مُتنفس .. شِعري !

[سعيد الموسى]

المشاركة الأصلية كتبت بواسطة قايـد الحربي

:
:

أحيان نبضك ما يوازي شعورك
ــــ تحتاج لك قلبين في حب واحد

أوقات حتّى الحب يقتل زهورك !
__ لاصرت " واحد " والسكاكين واجد !

 

[عبدالله عليان]

يبقى الألم مسجون يحتاج تحرير
وتبقى رهينٍ بين.... كيفك. وكمّك


سر ياقلم سرك نضح ..عالي البير
ومحدٍ شعر به غير احساس امّك


حكمه من الله مالها اي تفسير
كامل همومك تنجلي لو تضمّك


سبحان ربك... بيدها ألف تأثير
بلسم لجرح وجبر لكسور غمّك


سليمان هتاري

 

[سليمان عباس]

هنا أجمل معاني الشوق
وذكرى مثبته وعنوان
هنا كل الأماني فوق
هنا طرنا بلا جنحان
تبادلنا الأدب والذوق
حضنّاها فرح واحزان
تبسّم كل شي بيروق
من البسمه نمت اوطان

 

[سعيد الموسى]

قِل للرجوله : كيف صرتي " رِجوله "
___ ياللي على عهد الزمن ماتُعابين !
الشاهد " الواحد " على ماتقوله !
___ بعض العرب مايُشترى بالريالين !
لا ياكريمه .. وأنتي أجرأ " خجوله "
___ الله يعزّك .. كيف كنتي إلى " وين " ؟
بالمختصر .. هالمنتصر .. في ذهوله !
___ أكبر حكاياته " شِعر " وسط بيتين !
لنا مع أهل الله .. صوله وجوله !
___ رجَال قدر وعزّ .. مااحنا رخيصين !
مااحنا صلَب .. وابناء ناس " وحموله "
___ مو ذنبنا لا من غدينا .. مْتربين !

 

[سعيد الموسى]

ليلة تمرين ..
عطرك السافر
فضح ورد البساتين ..
وكثر الكلام
صحيح
جرحتي الظلام ..
بالخد
وبنور الجبين
ليلة تمرين ..
يا عذبة التجريح ..
شفتك بعرس الريح ..
والشال الذهب
يحجب سنا شمس الذهب ..
كانت عيونك حزن ..
كانت غضب!
وكثر الكلام ..
ليلة تمرين
يا غيرة الورد ..
جرحها الكلام
حبيبها الورد ..
عاتبها الظلام
مرت بليلة برد ..
وكانت جفا
عطر ودفا ..
وليه الملام
يا مجرحة صدر الظلام
.. بالخد ..
وبنور الجبين
ليلة تمرين !

______

" ال … "
الباء والدال والراء تحتاج لنصوص أخرى ..
هنا تكفي ال التعريف ..
من الظلم أن أكتب أسم البدر كله هنا ، هو أشمل من ذلك !

 

[سعيد الموسى]

كِل يوم أشيل الصبح ويطير عصفور
___ كم غصن مُثمر مال وأهتّز موال
في كل أرض الله يعزف لي النور ..
___ وبكل سماء تطل غيمه وتختال

 

[عبدالله عليان]

تفاعيل
لا غشاك الاكتئاب
(وكم غشاك)!
وصارت ايامك .. مملة

تلمس احلامك : سراب
ومن ضماك
تحس روحك مضمحلة

حينها ما لك سواه: الشعر
عراب اللغة .. رب الندى
طيشٍ يدوّي
وحده القادر يبَلّغْك لمدى
ما تبلغه
مهما تسوي !



لاغشاك الاكتئاب ارحل بكامل
روحك لدنيا سماها شعر واحذر :
لا تعلم عن سفرك ولا تطري.
انتبذ عن ذكرياتك
كوكبٍ دري، خذ النسيان فنجالٍ مهيّل
بالتجري.
ارحل ..
ارحل ..
لين توصل عمق دهشة
تِرجِع الدمع المسيَّل للعيون،
تزيل قبح الكون، رايحة السكون
وصوت ضحكات المجون بمعتقل سرّي.
تخيّل !!





فاعلاتن فاعلاتن ...:
القصيدة نبتٍ ارويه بظنوني
بالهجوس المشرقة صبح وعشيا
بالندم .. بالكره للي غربوني
بانتقامٍ موشكٍ يصبح جنيا
بالوصال اروي قصيدي وبجنوني
بالغرام الي تمنيته وعيا
بالأمل بآلام ناسٍ صادفوني
بانكسارات الغريب وبالحميا
بالزهر .. ينضح دموعه في ردوني
بالحصى يقدح بمركاض العبيا

وين ما يمطر شعور .. انخى ظعوني
في نظيم العز .. أو عز العليا
لا زمان يردني لو حاصروني
لوم ياللوام واِكثِر .. ماعليا
عندي الحرية اغلى من عيوني
أرفض القيد بخيالي وبيديا


عاد تدري غربتي ذروة طعوني
لا تمنيت القصيد .. وما تهيّا
وان تجرأت اغصبه .. عيّت شجوني
لو رضت .. جا يشبه لهذا وذيا
لو بكيفي .. كل ما لاحت غبوني
قلت : هيا يا ذهاب الغبن .. هيا

القصيد اليا كتبته .. صدقوني
ما خلقته .. إنما يُبعث إليا
معتم اللاوعي هو منبت لحوني
قبل اشذبها بوعيٍ كالثريا
وحي شعر اروي عروقه من مزوني
لين يظهر للورق خلقاً سويا
أتبع الشعر .. وأبد ما تتبعوني
انتم اصل الشعر .. روحه والمحيا





شفت كيف الشعر يمنحنا حياةٍ مستساغة،
كيف يمنحنا عن الضيقة مشارف:
وانت تسأل ،
ما انت عارف :
كيف اضمّ الورد والبارود واتقنهم صياغة ؟
في يدي اليمنى سنا نهج البلاغة
في يدي اليسرى مسا شمس المعارف !

تركي حمدان

 

[عبدالله عليان]

( دَرَاوِيْش الحُزْن )

وتتْعَثَّر سمَاوَاتِي ../ وَ أنَادِي خَطْوتِي : زِمّي
و ينْفِينِي السَّهَر لآخر مسَافَات العَنَا وأرْتاَب

عَلى شبَّاكِي المَهْجُور أدثَّرنِي بصُوت [ أمّي ]
أَرتّل آيَة أَوجَاعِي ويخْشَع من حدَاي البَاب

دَرَاوِيش الحزِنْ مَدَّوا يدِيْهُم قَصْدُهُم غَمِّي
و أنَا تغْرَق مَنَادِيْلي جفَا ../و مْرَايتِي غِيَّاب

جمَعْت اللي تفَرَّق مِن حَكَايَاهُم عَلَى كُمِّي
يُوَاسِي دَمعتِينٍ فِي المَحَاجِر جَرحَهَا مَاطَاب

تسِيْل بطِيشَهَا وتزْرَع سَنَابِلهَا عَلَى فَمِّي
تَعرِّي بالحَكِي هَمِّي ../ ويلْبَسْهَا الحَنِيْن ثيَاب

جمان