[ الفَيصَل ]

[فيصل الحلبوص]

يرد الصوتْ نَاديتَهْ [ ينَاديني ..! ] أقُولْ شــ جَاكْ !
______________أثَاري الصُوُتْ جدرَاني ..! صَدَىَ صوتي [ ترده لي ! ]

 

[فيصل الحلبوص]

صُوتَهْ الدَافِي

أحاول أسكت ..! ليا منك تكلمتي
ــــــــــــ خايف كلامي يبدد صوتك الدافي

غنجك طبيعي وفطره ..! لا تغنجتي
ــــــــــــ همسك أغاني تصحي قلبي الغافي

يا حظ يدك إذا أنتي تثاوبتي
ــــــــــــ أحس يدّك تقول بثغرك لحافي

أرضي شعورك بنبضي لا تنفستي
ــــــــــــ القلب بير المحبه والدلو قافي

تدرين حالي إذا غبتي وطولتي
ــــــــــــ برد الليالي يجمد معظم أطرافي

أنتي بساتين قلبي والمطر أنتي
ــــــــــــ هتَان وصلك تشبع بالعطا الوافي

ومضات ضوً ..! ليا منك تلفتي
ــــــــــــ ونعاس عينك غروبً ساحرً صافي

 

[فيصل الحلبوص]

لا نكاد نمسك الحلم
حتى يتبخر بين أصابعنا
فيتحول إلى ’’ كابوس ’’ لا يفارقنا !

لو تمسك الحلم بيدينك ترى يهرب
ــــ من عادة الحلم راحل ما يلوح لك !

 

[فيصل الحلبوص]

هروب حلم إلى ’’ اللا ميعاد ’’
ويفتح أشرعته لـ رياح الهجر
ونبقى
كــ منفى في أحضان النسيان !




الحلم قال أغفي ,, وأنا أجيك بسكات !
_________ أغفي .. ! وحلمي كاذبً ما يجيني

 

[فيصل الحلبوص]

الله يـــ كبر البـحر
يعطي مساحـه


لـ الغرق !

 

[فيصل الحلبوص]

يمر الصبح قدامك
وتحرق شمسه عظامك
تجمع ما بقى منك
وفجأه طاحت ...
.
.
.
ايدينك !

 

[فيصل الحلبوص]

الليل : شعرها

وأنفاسها : حلم سرمدي فصوله الأربعه ربيع دافيء ..!


كتفها : غيوم تشكلت كـ وساده ..!



يا سارق الليل ..! شفت الليل في شعرك
ــــــ الليل غافي بـ كتفك ..! حلمه أنفاسك

 

[فيصل الحلبوص]

خفوت النور يمليني كآبه..! والرصيف يضيع
ـــــــــــ وضاعت خطوتي مدري..! رصيفي ضايعً مني