ونـاسـة خـوالـي آل فـلـيـح . . .

[صالح العرجان]

أيامي مكللة بالرسمية المثقلة لكاهل عفوتي وحبي للحياة بإبتسامه


هنا


سازرع أحلى أبتساماتي على محياكم ولكن بالعااااااميه


واللي يعوق عليه فهم معنى بعض الكلمات


يسأل وبيلقى الجواب مني





يعني حاولوا تربطون أحزمة كبودكم منعا من تحركها أثناء الضحك

 

[صالح العرجان]

جالسن خالد جنب أخوه محمد بالمشب ليامار واحد من الربع يوم نشد

محمد وشلون أبوك يا محمد


محمد هو الكبير مير مهو منتبه للسؤال


خالد سرح له شوي وهو ينطق لحاله (( بغى يذبحن ملعون الوالدين ))


وهي تفازع له الربع منهو هذا يا خالد قال (( أبوي ))


وشلون أبوك الا غير هالسالفة قال ما تدرون والله انه بغى يودع مخي مي

بس الله عيا عليه أجل بوه أحد يضرب ولده بهالكبر ويقصد هنا (( عجرة كبيرة الحجم ))


وش العلم إنجز علمنا



قال هذا يومن أنا وغد بهاالـ 17 عمري أجمع عيال الحارة اللي بكبري بس أنا ابين


أطول منهم كمختن هناك وتقل شاربي توه خاط نلعب ونسولف ولونوه مهو جايز


لامهاتهم لانهن ما يدانني أبد مدري وش علامهن الوكاد وأنا أجزمهم على طلعة البر


هن يوايقن من ورى البيبان ما يقدرن يقولن لي شين مفضح انا والله وهم اللي يركبون


أم أعزيز وفهد عبدالمحسن ماخذ وضعيت الضياع العاطفي بعيوننا العلم راحن يشتكن

عند أبوي ولدك دشر عيلنا ويبي يضيع مستقبلهم حتى انه يولع لهم شين يطلع دخان

من خشومهم الله واعلم انه تتن قل خالنه يرجع بس وانا اوريكن بوه هالفلو




رجعنا للحارة


ليامر عيون الحريم أمهات العيال تلاقط من ورى البيبان نزلت ابي ادخل البيت


ليا هذا ابوي طالع بالفنيلة والسروال القصير وواقف عند الباب يضحك قلت بس


توه طالع من عند المعزبة وسايحن خاطره هليودعوه مبتسم يصوتي لي تعال


وانا ارفع بيدي الجرابيع له اوريه وش جبت عشت ولدي عشت ولدي جبهن خلنا


نتعشاهن جيته وانا ماني متطمن اشوف حدى يديه ورى ظهره قلت عادي يوم


قربت ليامر قارطن شفته بسنونه دريت ان العلم ما يونس وانا أخذ فوق تحت


يا مار تقل مثل صوت البازوكا مر من جنبي وانا اراعي ليا العجره اللي اول


مره اشوف شي بكبرها وهو يلتفت لخوه محمد (( بغى يذبحن ملعون الوالدين ))


ويضيع مستقبل كان ما شفتوني بينكم الحين تحسبون خلاص لوالله اللي مثل صوت


الرحول وراي لوه هبده يامار أبوي ومن الجيد لابسن جواتي عشان يلحقن وانا اعملبوه


واحد اثنين واحد اثنين ليا هو متمددا قبالي على فرته وانا بوجهي لخوالي ما التفت وراي


يالربع احد يضرب ولدوه بشينن هالكبر هذا ذباح مهو أبو





....

 

[صالح العرجان]

الشايب لا تضايق في امر ما يقول


الجهل احيانا نعمه يا ولدي



بس انا مجرم احده على اقصاه لين يتناول القضيه ( بعقاله )

 

[صالح العرجان]

هذا مره سوى ابوي حادث برمضان وجاء معه كسور بالحوض والصدر

مما استدعى بقاؤه في المستشفى رهين الاسره البيضاء



وابوي

دينه ودين الجلاس


المهم قالوا لازم يتنوم معه احد ما فيه الا الخير ( انا )


وتخيلوا الافلام اليوميه من عشرين رمضان الى بعد عيد الضحيه


يا عيني يا يبه من الوجع ما ينام وانا قوة نوم فما اصدق متى ينام واسحبها نومه

عاد لا قعدت الصبح القاه قاعد قبلي


وهو متجشم الوجه يقولي ( وشلون انا مخليك عند الابل ) انت توخذ نياقك ولك ( شخير )



عقب يسكت ثم يقول واحلولاه لونك حديهن حرام ما تمرح الا عند اهلها

والحكايات تطوووووووووول

 

[صالح العرجان]

تعريف بالشخصيه القادمه :-


الاسم/ شنين البردان

العمر/ كبر القاع

الاهتمامات/ نقاد من الطراز المحبط للاخر


كونوا بانتظار هذا (( الهوله ))

 

[صالح العرجان]

لهذا الصبح

’’’




واحد شاف الشرطة تركض يمه وهو يحط رجله

الحق ما تلحق


العسكري يقول للولد ما حنا يمك ما نبيك

وهو يلتفت لهم الولد الشارع فاضي أجل من أنتم تبون


وحط رجلك

 

[صالح العرجان]

أولى حكايات ( شنين )


كان موظف في قطاع الدفاع الجوي


وتم نقلة من المدرسة إلى الورشة في الجهه المقابله على الشارع الاخر

وينفذ الامر من حين صدور القرار



شنين

بعد 25 يوم داوم في المقر الجديد فيسأله الرائد وينك يا شنين عسى ما شر

قال أبد (( هذي مسافة الطريق ))


والمسافه بين المدرسة والورشة أقل من 500 متر

رد الرائد

بين أبعد نقطتين من جنوب المملكة الى شمالها ما ياخذ الامر العسكري بالنقل

أكثر من 14 يوم


والحكايااااات تطول

 

[صالح العرجان]

يحكى أن شنين


أشترى أسهم باتصالات السعودية

من بكره وهو قدام باب المقر الرئيسي يتابع

اللي داوموا والا ما داوموا


حلال ايتام يا أبوك


وهو أكبر معمر على الارض