يامســـــافر

[سعيد العمودي]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,darkblue" type=2 line=0 align=center use=sp num="0,black"]
سامح الله ذاك الانسـان بعـده مؤلـم =


=في غيابه موحش العمر مثل الغابه



السياحـه شـي مطلـوب لكـن يعـلـم =


=غيبتـه ماهـي بسيطـه ولا نرضابـه



ادري ان الجو في نجد حره مجـرم =


=وادري انه ماتحمـل عجـاج اترابـه



الـورود اللـي شـذاهـا عبيروبلـسـم =


=ودهـا فـي جـو ثانـي تبـي تحيـابـه



يامسافرطالـع الفجـر نــوره مظـلـم =


=والقمر ماعاد يغري غـرور احبابـه



لوعرفت الصبر مثلي عرفت العلقم =


=والامـل دايـم بوجهـي مسكـر بابـه



ايه سافر سافر بعيد مانتا ملزم=


=رووح لانشد عن الجرح وش اسبابه



عاشقـك ماهـو خيالـي كثيرويحـلـم =


=صادقٍ مـادام سهـره سكـن باهدابـه



حصتك في قلب مغليك ماهي اسهم =


=وانت ذنبٍ يقطع الله شخصٍ تابه



لاتخليـنـي بـلاذنــب قـلـبـي مـعــدم =


=للزمان اللي علي طول كشـر نابـه



منتظروالشوق ولع بقلبـي واضـرم =


=وش يقول الشعر بالله ضاع اسهابه

كنت ابشرح لك وابقول لكن تسلم=

=لاتطول دام الاحباب رووح احبابه[/poem]