شرهات أجودي ..

[ناصر حطاب الدهمشي]

0
0


شفهم نسوني يا زمـاني وظليت
00000000 وسط الدرج ( أدسـِّـني ) عن ضياعي

(( شرهات أجودي ))

[poem="font="simplified Arabic,4,darkblue,bold,normal" Bkcolor="transparent" Bkimage="" Border="none,4,gray" Type=2 Line=0 Align=center Use=sp Num="0,black""]يا زمن تدري وش أعظم شي من كوني نقص.؟=مملكة .. ماهي مدينة لا زعلت إتهدَّها
تمتلك روح وجسدها خالقه شدِّه .. وفص=صدرها .. حتى نمت به خوختين وشدَّها
وخصرها ماكنه إلا عود موز ٍ يرتعص= إختفى عنه الثبات ولا تبيّح سدَّها

وساقها فتنة بياضه لو يشوفه منقرص=ثار و سموم الحيايا عن مماته لدَّها
وخدَّها إشراقة شموسه من لمحها مايفص=يرجع بوجهه غروب .. ومفلس ٍ من ودَّها
يا زمن هذي (( تهاني )) .. لا خيال و لا قصص=غابت و لا بررت لي عن سبايب صدَّها
( كنت أناصفها حياتي نص لرضاها و نص=عايشه ما بين جزر المعضلات و مدَّها )
غابت و يمنى جفاها رصَّـت الضيقات رص=بالعروق وكل ذكرى للغرام تقدَّها
تايه و دمِّي حزين ٍ لا وصل قلبي يغص=غربلتني لعنبو جد ( الغيَاب ) و جــدَّها
كن شرهاتي تِـفجْ ضلوعي العوج و تمص=ضيقة ٍ .. غصن إغترابي مورق ٍ في خدَّها
ليتها تشوف أجوديٍّ قصِّته دنياه قص=بالغياب .. اللي ضلوعه ما طرى له هدَّها
هذا كل اللي فقدته . هذا كل اللي نقص=مملكة .. علِّم غيابك يا الزمان يردَّها[/poem]

وسلامة قلوبكم جميعا ً
0
0
ناصر حطّاب الدهمشي