خذني لأبعد محطّـه في مـتـاهـاتــك ....

[خالد الوقيت]

[poem="font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""].
خذني لأبعد محطه في متاهاتك=واتركني هناك لا أكله ولا شربه
اقضّي العمر في تقليب صفحاتك=واعيش معها كأني ماني بغربه
مادمت ناوي تحطّمني بصدّاتك=افعل وانا فدوتك باي شي تامر به
لو كنت محتار وش بدّل قناعاتك=واول غرامي تظاهر به وتفخر به
صرت المح الغمز في غيبات كِــلْــماتك=واغضي وجوفي لهيب الهم يسعر به
صرت اتضايق الى من طوّل اسكاتك=ولا اقدرأسألك خايف شي تجهر به
كاس المراره شربته في مداراتك=انت متهنّي وانا الأعضاء مضطَـرْبه
واليوم يوم الزمن صادك بسيّاتك = تبدّلت نظرةٍ من قبل تنظر به
وحسّيت عقب التجنّي بضعف حالاتك=وشعرت بالذلّ واللي منول اشعربه
وعرفت انّك بلا يِمّه بخطواتك=الحب شرقك وأنت مضيّعٍ غربه
وانا أصوّت والزّم في مناداتك =لكن غرورك يسوقك في شقا دربه
لو كنت مثلك وطاوعتك بغلطاتك=مات الهوي في خفوقي من هكالضربه
لكن برغم المآسي والشقا الفاتك=واحوالي اللي غدت من سبّتك خربه
مااقدر اخلّيك او اقطع علاقاتك=اموت موت الشجر لا جفّت التربه
انت تدري انّي ولو زدتك وجرّاتك=في غيبتك صرت في ليلٍ من الكربه
اذوب لا ذعذع الغربي بنفحاتك = واحنّ لك حنة الطاير الى سربه
والى تذكرت بسماتك وضحاتك=لو كنت سالي أحسّ بطعنة الحربه
واقوم اصوّرك بدرٍ وسط هالاتك =وامدّ كفي ابي رغم النوى قربه
من شدة الحب أنسى كل زلاّتك= وارسم لك اجمل طبيعه كنت تظهر به
هذي الحقيقه ولو هي تضرّني جاتك= احكم وانا فدوتك باي شي تامر به[/poem]
.
.

 

[بدر العازمي]

واقوم اصورك بدرً وسط هالاتك ..

وامد كفي ابي رغم النوى قربه ..




هنا إنسدال من فوهة الأبداع ..

جمال شعري صور خلابه .. صح لسانك على تلك الباذخه ..

 

[جُمان]

خالد الوقيت ..

هذا النّص ../ قلبٌ مَخبوءٌ في معَاطِف الحَنين ..
يَخلُق للذَّاكِرةِ نوافِذ .. ويُلقينا على شَفا غَيمةٍ مِن ألم
حرفُك جميل وقافيتُه عذبة جداً


شُكراً واسعة

.

.

 

[خالد الوقيت]

المشاركة الأصلية كتبت بواسطة بدر العازمي

واقوم اصورك بدرً وسط هالاتك ..

وامد كفي ابي رغم النوى قربه ..




هنا إنسدال من فوهة الأبداع ..

جمال شعري صور خلابه .. صح لسانك على تلك الباذخه ..

.

بدر العازمي : رأيك شمعة أضاءت

وغيث انسكب

فلا عجب إن غدت أبياتي مخضلّة

تحيتي لك

.

 

[سعـد الوهابي]

.
.
القدير

" خالد الوقيت "

ويأخذنا في رحلة نبض عذب وبـ نفس شعري زكي

لله درك ياخالد وصح فكرك وبوحك

ودام ضياؤك

(احترامات . . قريبة )

سعـد

 

[خالد الوقيت]

المشاركة الأصلية كتبت بواسطة جُمان

خالد الوقيت ..

هذا النّص ../ قلبٌ مَخبوءٌ في معَاطِف الحَنين ..
يَخلُق للذَّاكِرةِ نوافِذ .. ويُلقينا على شَفا غَيمةٍ مِن ألم
حرفُك جميل وقافيتُه عذبة جداً


شُكراً واسعة

.

.

.

جمــــــــــــــــان

وفد شعورك ملأ المكان

شكرا من قلبي

تحيتي

.

 

[فهد الغبين]

الغالي خالد


صح السانك ولاهنت يالغالي



دمت بود

 

[خالد الوقيت]

أردت إنزال موضوع لكن لم يسعف التنسيق
فرفعت هذه القصيدة تواصلاً مع الرائعين هناااااااااا

.