تجين نمــــــــوت...!.

[وليد المالكي]

مسائكم حب بملئ قلوبكم..
طفلة أولى تحبكم.. بين أيديكم..

مخرج 9:

الليلة شفتك..
زرتني..
مريت في بالي..
ما شفتني لحالي؟؟!!..




النص:

.
.
.
تجين نرجع الماضي..
تجين نسولف ونضحك..
على المليان والفاضي..
تجين ألملمك لعبة..
وأرد أكسرك ثاني..
تجين أنسى يوم إنتي صرختي فيني إنساني..
تجين نجدل أنوار الشوارع والمدى العاني..
تجين أشبه لفرحي يوم..
ويوم أشبه لأحزاني..
تجين أصيح لك:.. وينك؟؟!!..
وإنتي تمضغين الجيم..
وتقولين:.. موجوده..
تجين نصحي الشارع..
تجين نجسّم وجوده..
تجين تجين..
تجين الحين..
مادام السالفه حبري..
وأوراقي.. ودمعة عين..
تعالي الحين..
ولا حتى فـاوراقي بتكونين مشغوله..
ولا حتى بأحلامي بشوفك حيل مجهولة..
تجين أسترجع ألواني..
تجين أولد من أكفاني..
أو اولد من رحم تابوت.
تجين أجيك كل ليلة..
وكني بحرك الأبيض..
وكنك حي من بيروت..
تجين نصيــــــــــــح.. بس بسكوت..
تجين نصدق إني حي..
.
تجين نصدق إني حي..

.
تجين نموت...!.