كِـــــفـــــا

[رحيل عواد]

يا حبيب الروح يا الغالي كـــِفــا
أمسح أدموعك دخيلك لا تســيــل
كان جرحك بالمودة ما شـــــفــا
جرحي أمن سنين خلاني قتـــيـــل
شال كل الهم قلبي و أكتـــــفــــا
وفي طريق الحب مشواري طويل
خافقي يحمل لك إخلاص وفـــا
للعيون السود والطرف الكحـيــل
ما شعرت الهجر أو شفت الجفا
أنت وحدك بالوفا مالك مثــيــــــل
أنت مثل الشمس تشعرني بدفـا
مع نسيم الصبح في جوٍ علـــيـــل
يعلم الله جو حبي ما صـــفـــــا
في غيابك كان قررت الرحـــيــل
يعلم الله جفن عيني ما غـــفـــا
لين ترجع ثم أشوفك يا جمــيــــل
في غيابك نور هالدار أنطـفــا
وأنحبس مابان واصبح مستـحيــل
ما بقا لي غير طيفك أن لــفــا
بانتظر طيفك ولا عندي بـــديـــــل