♥ ريق الغــلا

فاطمة ناصر · 05-12-2009, 05:40 PM

♥ ريق الغــلا
[poem=font="simplified arabic,6,black,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]

الله خلق لي قلب من شان يسقيك = ويصب لك ريق الغلا كاسٍ بكاس
وروحي خلقها الله على شان تعطيك= حبٍ بديهي ماله حدود وقياس
آمر تدلل قول وش بس يرضيك = وأجيك ضل وفي لضى القيض نسناس
لا صار قلبي يا هوى الروح يبغيك = ما فيه داعي تجمع أخماس وأسداس
مشاعري بالحب في راحتك شيك=مصدقه قلبي ما هو بنك الأفلاس
تعال خل الطير يصدح حواليك = وأدخل بقصرٍ فيه الأشواق حراس
اليك منّك ومنّك للحب وأليك = يجري غرامك بين روحي والأنفاس
هرجك عسل ومصافحة صدرك الكيك = ونبضك رعد والمزن في ثورة أحساس
ووصلك عمر .. والصدق يطرد تعاليك .. يعني خليط من الجواهر والالماس
وتلومني لا ذبت من لمسة ايديك = ادخل على الله لا تشمتّ بي الناس
امشي براحه بس داخل اراضيك = وما همني لودست من فوق الأمواس
لني أحبك حب ما فيه تشكيك = حبٍ مضامينه من الراس للراس
ما هو بحب البهرجه والصعاليك = حب الطهاره فيه عزه ونوماس
لو أنحر حروفي كرم ما توفّيك = لنك حبر من دم والقلب قرطاس
أأأواااه يا ما أحلى غداري مساريك = لا صرت نور ٍ يحمل أسرار وأحساس
أنت حبيبي ما به أحدٍ يحاليك = لنك بحر ما يدهله كل غطاس[/poem]