( مَـعْـشـوقــَة الـوَردْ ) .. صوتيـة .. م/1

[عبدالعزيز الدهمشي]

بسم الله الرحمن الرحيـم ..


أحبتي رواد هذا الصرح الشامخ ..

أبعاد ادبية ..

السلام عليكم ورحمة الله وبركاته ..

كم انا سعيد بإنضمامي لكم ..

والفضل يعود بعد الله لأخي العزيز /محمد الزناتي ..

ودعوته الكريمه التي اعتز بها ..




متواضعـه ,,
لها شرف مروركم ..



الاهداء لكم..

" ولذلك القلب الذي أتنفسـه " ..




بالصــــوت

.

.

.

[POEM="font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
معشوقة الورد عذر الورد ماخانك=ويديك لفحـة شتاه.. ومبسمك صيفـه
الورد لو عاش طول العمر بأحضانك=ماجفّ غصنه ولا ذبلت مراهيفـه
وشلون يذبل وهو ياخذ من الوانك=وشلون بيمـوت وأنفاسك سواليفه
مابين خصلة شعرك وعطر رمانك=سوالف الورد.. ومنادم مواليفـه
ومابين زمـّة نحرك.. ولِيـن ريانـك=بدايـة الحسن.. وانهايـة تواصيفــه
ان جيت ابكتب لقيت الشعر ديوانك=حلاه وصفـك.. وبحروفك محاريفه
ياربـة الحسن.. عمر الورد مازانك=أنتي جماله.. ورقـّة غصنـه.. وريفـه
وانا كما الورد.. من قربك وتحنانك..=يصفالي الوقت.. لو كثرت صواديفـه
زرعت قلبي وسط روضك وبستانك=وأسقيت قاعِه غرامٍ مابدا زيفـه
لين أزهرت كل ريضاني وريضانك=بالورد.. وانتي ندى الورد وسواليفـه[/POEM]

الورد ..
وعقود الغلا ..
والعطـر لاغنـى هلا ..
من وجنتـك وبل المطر ..
وبخصلتـك نبع الحلا ..
للورد بأنفاسك شذى ..
لا عتـّم الليل وهــذى ..
وبلمسـة يديك إغتذى ..
وبقربك تكـون الورود ..
بحدود؟ لا مامن حدود ..
كلك على بعضك كذا ..
ورد وندى ..
منك الغلا وفيك ابتدى ..
ماضاع بك عمره سدى ..
ياعطـره الزاهي ..
.
.
.

[POEM="font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أميرة الورد؟ أو للورد هي ملفـى = في كل حالات وصف الزين مرجانـه
بيدينـها الورد لايسهد ولا يغفى .. = وبقربـها الورد جوريه وريحــانه ..
وبشعرها الليل والتعليل والمنفى = وبحسنـها الشِعـر توصيفـه وقيفانه[/POEM]

عبدالعزيز الدهمشـــي ..
12/3/2006م