فقير وفقيره ...!

[عيسى خلف العنزي]

.
.

ياقـلب ... هذا الوقـت ...لازم تداريه
.................. اصـبر ... وصابر يالله ... اليـوم خيره

تعبت اردد ... كيف وشلون... او ليه
................. والقلب ... حبه ... هـو ماحب .. غيره

الجرح يكبر ... مالقى من ... يداويه
................. والعين تبصر ... بس يدي ..... قصيره

تعبت انا اوصف حلم باول خطاويه
................ وتعبت اشوف طيـور ... حلـمي كسيره

وتعبت اضمه ... في خفوقي واناديه
................ وتعبت ... اشم الموت .... بأزكى عبيره

ياصاحبي ... ياليتها ... دمع وابكيه
................ او ليتها ... سر(ن) توفى .... فـي بيره

الدمع يسهر ... مع جفوني .. تحاكيه
................ والرمش زرع ... مسكـنه ... في غديره

القلب وشو ... القلـب خابت هقاويه
................ يقطعك ... ياوقـت ... عجزنا ... نديره

خل الكلام ... اللي تعبنا ... نجاريه
................ واسمع .. كلام ... جاك ما ... فيه غيره

وقف .. معي لحظه بقى شي بحكيه
................ وقف .. مدام الدرب .. وقـف .. مسيره

بقول لك ... ابيات من حزن اعانيه
................ نما ... معي من فقـد .. طفله .... غريره

شفت المكان .. الي انا دايم .. اجيه
................ هناك .. التقينا .. يوم عيني ... قريره

كل ما اجيه ... اتذكـر اني .. الاقيه
................ واليوم .. اجيه ونار ... قلبي ... سعيره

هناك بحنان الشوق .. ضمتني ايديه
................ وهناك .. افترقنا بيوم .... محدن يجيره

قلي امانه .... هو بقى شي .. نرجيه
................ قلي ... كلامك بس ... قلل ..... كثيره

هذا الاســـير وطاح ... بأغلا امانيه
................ هذا الاسير ... وضاع حتى .. مصيره

وقف وحاول بس ضااعت مماشيه
................ ومن صدمته ... ماعاد شي ...... يثيره

تدري وش الي صار بأخر مئاسيه
................ طاح الاسير ... ومات بأرض الاسيره

وتدري وش الي ساق قلبي لماضيه ؟
................ عطرن في ... قلبي ينتشي .. بي عبيره

وتدري وش اجمل حب يظمن خطاويه
................ حب الفقير ... اليا هـوى ... له فقيره

.
.

اخووكم / عيسىا الجعفري ...

/

 

[ولاء النهاري]

الفاضل / عيسى العنزي

شدني العنوان .... (فقير وفقيره ...!)

أجدت عزف الحروف

وسمفونية الاحساس تصفق بحرارة لجمال القصيدة

انسياب حرفك كشلال عذب

وملكت خاصرة القلم ليتراقص فوق ورق أخضر

تتناثر من بين اسطر الورق حبات اللؤلؤ

ورائحة الاقحوان تفوح من حين دخولي حتى تسجيل خروجي ..

لقلمك روعة ولحسك لوناً خاص .

لا فُضَّ فُوكَ ، وَلا انْطَوَى لَكَ مِنْبَرٌ

.
.

 

[عبدالعزيز الرقابي]

أسير الجمال عيسى العنزي
ورومناسية متألقة تشد من يقرأها من أول بيت إلى آخر بيت
سلاسة مدهشة وإسقاطات مذهلة

دمت متألق
مودتي

 

[عيسى خلف العنزي]

اقتباس:المشاركة الأصلية كتبت بواسطة ولاء النهاري

الفاضل / عيسى العنزي

شدني العنوان .... (فقير وفقيره ...!)

أجدت عزف الحروف

وسمفونية الاحساس تصفق بحرارة لجمال القصيدة

انسياب حرفك كشلال عذب

وملكت خاصرة القلم ليتراقص فوق ورق أخضر

تتناثر من بين اسطر الورق حبات اللؤلؤ

ورائحة الاقحوان تفوح من حين دخولي حتى تسجيل خروجي ..

لقلمك روعة ولحسك لوناً خاص .

لا فُضَّ فُوكَ ، وَلا انْطَوَى لَكَ مِنْبَرٌ

.
.


النبيله / ولاء النهاري ..


صدقيني عزيزتي وجودك هنا بحد ذاته مشجع لي ..


شكرا كبيره لكِ ...




,

 

[فهد الغبين]

عيسى

الله عليك

 

[شمس]

القدير عيسى العنزي
في كل مكان تعطر الأمكنه بحرفك الشامخ
صح لسانك والله
عظيم الشكر والتقدير

 

[حياه]

..

وتدري وش اجمل حب يظمن خطاويه
................ حب الفقير ... اليا هـوى ... له فقيره


..


صح لسانك وَ لا فضّ فوكْ
جَمَال وَ إحساس عآلي
رائع وَ أكثرْ ،

وَردْ
..

 

[عبدالعزيز العميري]

وتدري وش اجمل حب يضمن خطاويه

..............................

رائع
رائع

لامست الوجع بداخلي

رائع

بالفعل هو كذلك ياصديقي