. ’ الضِحْكَة العَذْرَاء ’ . ،

[فيْصَل الصَقّار]

يَابِدُور ..
عَلّمِيْنِي : كيْف أحِبْ ..
كيْف أطِيْر ...
وكيْف أغنّي للطيُور ..

يَابِدُور ..
نُوْر وَجْهِك مَاهُو نُور !

القُمَر ..؟
ايْش القُمَر ..!
والله لَوْ يَزْعَل بَدِر ..
مَايِنَوِّر هـ...الليَال
إلاّ وَجْهِك يَابِدُور

" يَاسَمِيْنَة يَازهُور
تَشرَب أنْفَاس الصَبَاح
مايِشَارِكْهَا نَسِيْم
ولايِعَرِّيهَا ذِبُول
عِطْر رَبّانِيْ وفَاحِشْ "

والسِوَار اللي يتَغَنّج
يَبْغَى يَدِّك .. ماقِدَر !
طَاح ...؟
والعِذْر : النعُومَة ..

يَابِدُور ..
[ .. الزِمَنْ دَوّار والدِنْيَا تِدُوْر ] ..،

يَابِدُور ..
الخَطَايَا فِيْ ذهُول ..
طول هـ..السِكّة تِقُول :
أشْبِه الرِيْم الجِفُول

" ويَارجَال مكَررة ..
تَمْشِي بـِـ..سِكّة مَرَه
وتِنْكسِر هـ...المِنْظَرَة
آه يَاسُود النوايَا "

يَابِدُور ..
يِعَشْعِشْ بصَدْرِي حَمَام
واطيْر فِيْ سمَا الأحْلام
لله خَلّنِي أنَام

[ .. الله يقُول لمِنْ خَلَق : فِيْ ذَبْحُكُم كَلّفْتهَا ] ..،

يَابِدُور ..
الحيَاة بهـ...المَدِيْنَة
تَلْفِظ أنْفَاس الشَوَارِع
وموتِيْ السَاخِر حَضَر
رَغّبِيْنِي بـــ..الحيَاة

" مَعْقُول أنَا للحيْن : مَنْفِيْ
والوَضْع الأوّل هُو علَى حَالِه !
بِديْت إشِك : إنّي غَرِيْب
أو النَاسْ مَاتَصْدِقْ معِيْ "

يَابِدُور ..
كِل عُمْرِيْ فِيْ وَرَقْ
أكْتِبِه ..!
وَجَف حِبْرِي ..
وإحْتَرَق ..
هـ...الوَرَق

كَان أثْمَل أكْثَر - مِنْ شَعَرْتِه - ولاأمِلْ :
.............. إحْسَاس مُرْهَف فِيْ حَدِيْثِه .....، وحَاجَة

كِنْت : متِقَهْوِيْ " بُنْ " صَدْرِي إذا زَلْ ..
.............. ويضِيْق .. والمَخْرَج لـِ...عُنْق الزُجَاجَة

مِنْ إنْهَزَعْتِيْ وإنْسِدَحْتِيْ بِهــ....الظِلْ
.............. تَلَوّنَتْ لَوْن الصَفَاء العَجَاجَة ............

... ويَبْدا :
صَبَاح النَاي
والشَهْد ...
والفُلْ .....

يَرْسِم علَى
وَجْه ......
... الشُروقْ
إبْتِهَاجِه ...

تَنَهّدَيْ .. قُولِي لـِ...نَوْم الضَحَى : وَلْ
.............. إطْفِيْه بـــ....آخِرْ مَرْحَلَة فِيْ سِرَاجِه

خَلّيْنِي أسْخَر مِنْ قِصِيْدِي : أنَا و كِلْ ...
.............. شَاعِرْ يجِي بَعْدِي .......، وصَافِي مَزَاجِه

مِنْ هُو يِقُول إنّي مِشيْتِه وَرَى خِلْ ....؟
.............. والدَرْب مَاعْرِف مَدْخَلِه مِنْ خَرَاجِه ....!

وأنَام والله ومَابقَلْبِيْ ولاغِلْ .............
.............. كَانْ : الحَدِيْث أحوَج .. ولَبيّت حَاجَة ...