بيتي وبيتك

[يوسف نايف الدهمشي]

السلام عليكم ورحمة الله وبركاته....

عسى ان ترضي لذائقتكم الشعرية الصعبة !
"
:
:
:




ليــت المسـافة بينــي وبيــن الاحـزان
نفــس المســـافة بين بيتي وبيـــتك

وليــت السعــادة كــان بــاقي لهــا شــان
تفــزع معــاي الحيـــن دامــي طـــريتك

ابنظمــك فكــرة وابرسمــك عنـــوان
يــومــي عجــزت ادورك مالقيتـــك

مثــل السفينــة لامشــت دون ربــان
هــذي حيــاتي شف يــومي هــويتك

كنــت انتــظر موعــدك لابــان شعــبان
وهــذا خطــاي العــام يــوم احتــريتــك

لابينــت عينــك وانا مــدمعــي بــان
ياحيــف يادمعــي ليــا ذاع صيتــك

ماتــوقــف الدنــيا ولــو خــاطري شــان
ماينكــسر صبــري ولو قلــت ليتــك

هـــذا جــزا المعـــروف تاليــه نكـــران
لــو رحـت يامعــروف.. اليـوم جيتــك

جيتــك وانا بسبــة مبــاديك تعبــان
لو هــم يبيعـونك.. كــان اشتـريتــك

لــو داري بطعــم الجفــا عقبكــم كــان
من قبــل لاتبــدا بطعنــي جفيتــك

لو تنعــكس صــورة غــلا كــل انســان
تلــقــى ضلـوعــي عاكســة انــوار ليتـك

هــديت لي زيـف المـشاعر بالأشـجـان
وأنا عــيوني ياولــيفي هـديــتــك

مانــي تــرى لاجيــت او غبــت شفقــان
صفحــة قــديمــة ويارفيــقي طــويتك

شــف قســوة ايــامك لهــا خافقــي لان
وعــن الجفــا ياهيــه يامــا نهيتــك

ابعد وخل البــال صــافي,,, وطــربان
طالبــك... يادرب العنــا لانـويتك

ليـــت المســافة بينــي وبيـــن الاحـزان
نفــس المســـافة بيــن بيــتي وبيــتك


وسلامتـكم.