لقلوبكم النقيّه ..

[أمجد الدبيسي]

السلآم عليكم ورحمة الله وبركآته

مصآفحه اولى غآيتهآ الارتقآء لسمآ ذآئقتكم


(( ريح السوآليف ))


يومه وعدني باللقا ليتنـي غبـت
..........ولا شفت شيٍ يِتعب اللي يناظـرْه

انا الذي في سالف الوقت ماهبـت
..........الا قبالـه باللقـا يـوم اخاشـرْه

ماكنت انا مجروح ولايوم انا طبت
..........اصعب شعور يمرني من محاجرْه

تزهر شفاته ورد ومنّـه تطيبـت
..........لافاح من ريح السواليف عاطـرْه

شربت فيه الوصف لاما تسربـت
..........بين القصيد ولا ارتوت به مشاعرْه

من قصة الاسبوع وابداية السبـت
..........انا خذيت مـن البدايـات لآخـرْه

لأجله ورى نفسي بشوقي تلاعبت
..........اغمض عيوني وبالوصل اسافـرْه

وصدقني الموعد وانا فيه كذبـت
..........وبيّحت منه الدمع وضاقة معابـرْه

موعد يشتتني وانـا لـه ترتبـت
..........وبعثرت له عمري بشنطة مغادرْه

وقلت بشجن ليلي وياسيدي اذنبت
..........وقفا .. وانا ذنبه لـك الله غافـرْه

جيت بشبابي لين بموادعه شبـت
..........لني لقيتـه شـي مانـي بخابـرْه