" تتغشمرين "

[أكرم التلاوي]

قديمة من الأرشيف فاقبلوها كما هي َّ

تتغشمرين ؟
كيف أختصرلك ما بقلبي بكلمتين ..
وانتي خلاصة هالسنين !
يا غايبه
ما كانت حروفي على بُعدك شعر !
كانت عذابات وأنين
كانت سهر
وعيون تستسقي المنام ولا تنام
ولا كان يمطر هالغمام
إلا دموع ..
تشبه دموع التايبين

****

تتغشمرين ؟
ما لك على حُبي قسم
إني ضريت أتنفسك
وما كان صدري يمتلي .. إلا حنين
وما كنت قادر أزفرك لو كان ودي أزفرك ...
ولا كنت أبي ( من باب إنك .. تعلمين )
وما لك على حُبي قسم
إني على طول العمُر
وأقصد عُمر عشته معك
لني قبل ما ألتقيك
كل الـ /عشته كان " مُر "
كم كنت أحسدني عليك
وأسجد شكر
لله إنه صورك
لو تعلمين
وما كنت أبيكي تعلمين

*****

تتذكرين ؟
يومك زعلتي والزعل طوّل شهر
من عمري حسّبته سنين
مثل الممات
تتذكرين ؟
وش كان ذنبي يومها ؟
قلت ِ اختصرلي محبتي في كلمتين
قِلي " أحبك مووووت "
وبكل اللغات
وما رضيت !
ولا دريتي اني عجزت
كيف أحبك مووووت ؟
وانتي لي حياة
وكيف أختصرلك ما بقلبي .. بكلمتين
وانتي خلاصة هالسنين ؟
تتغشمرين ؟