الحرف

[تركي فلاح العنزي]

يسعدني تواجدي بينكم وهذي متواضعه أتمنى تنال على اعجابكم ...




الحرف عاش بغيبتك مرحلة ياس
مهما انكتب ماجاب جملة مفيده
**
فقد مذاق الصدق في طعم الاحساس
وفقد قديم الشوق وأحمس جديده
**
عاش انكسار الذات في وقت الاتعاس
وافلس من بنوك السعاده رصيده
**
دقت نواقيس الخطر وأمحل الراس
والفكر شح من الرسايل بريده
**
هذي ثلاث سنين من باس في باس
وانا انتظر والحال ماهي سعيده
**
لو كان لغيابك من الأوله ساس
ماكان شفت الشوق ورث حفيده
**
بس انت لا تبطي والأخلاق يباس
صلف الهوا جتني رياحه شديده
**
تعال قرّب لي هنا واترك الناس
الكون يكتب في حضوورك قصيده

**



تركي فلاح