(تشرق شمس النهار .. وتأتي بالأمل)
من اقصى مملكتنا شرق
جيتك يا نديم الروح
مسيّر
والخطاوي تسبق الاقدام
ضميانه
حملت فـ داخلي شوق البلاد الممتلي بجـــــروح
حملت فـ داخلي ربكت شوارع حي
سهرانه
حملت الماضي اللي تسكنه في صدري المذبوح
حملت فـ صدري المذبوح يومٍ صعب نسيــــــانه
لفيتك
ما لفيتك لجل ادور لك عذر
مسموح
لأني من هجر بيت الهوى
شرّعت بيبانه
لفيتك في يميني قلب يصرخ :
يالمسا لا تروح
تعال وضمني لصدرك غرام بكل ايمـــــــــــــانه
تعال بكل ايمـــــــان الغرام وضـمّ فيني اجروح
تعال اروي عروقٍ من سنين البعد ضميـــــــانه
حبيبي
كم تعب صوت المنادي
والصدى مبحوح
دخيلك لا تصير ورود حبه منك ذبـــــــــــــلانه
حبيبي
مابقى غير الحزن
معنى الندم
والنوح
وقلبٍ ما رضي غيرك يكون الحب عنوانه
1431 هـ
آخر المشاركات
11-05-2010, 10:34 AM
معنى الندم / الأمل .
العرض الشجري