>> .. تشبهين الحياة .. <<

[محمد بن شتير]

.






- - > .

.



.







عمري ولا فكرت أقيّد هالزمان بدفتري
أنا أغلب أفكاري بصدر الارض والا ظلها



من يوم ما دست الثرى ما كنت مره مفتري
ماني نبي ,, لكن أنا نفسي كثير أجلها



أعطيت نفسي حقها و صرت متغطرس بري
لعللي أوصل منزله ما أحدن قدر يوصل لها



واليوم يا آخر فتن غطت على كل العري
لحنت لك نبضي قصيدة و التهكم شلها



الله عليك أدلعي و الله عليك أتمخطري
لكن ( رخيصه ) في عيون الناس هاذي كلها



اللي درى منهم يعلم منهم اللي ما دري
في مهرجان التسلية كل(ن) يجيك يفلها



أنتي تمامآ مثل لعبه في بلاي ستيشن ثري
اللي ( شراها غاليه ) مع الليالي ملها





إبليس .. !!

غنى بك طرب

( من يشتري من يشتري )

بالذنب باعك لآدمي مثل أي زله زلها




طحتي من عيون الترآب و كل شي عندك فري
و الغاز حواء في ترابك كل ساقط حلها




عليك جني الهوا لا صادفه قلبن طري
نفوس لوّامه سبب غيّك تموت بغلها




دونك كلام الحق مهما ينجرح به خاطري
كفارته شطرين من صدق المشاعر تلها




الله يرضي لي عليك أستغفري و أستغفري
و أن تابت نفوس البشر رب البشر يغفرلها

ودمتم في رعاية الله