مــا مـــــــــات الحنين *

[أسوار صور]

/
/
بقفــــل كتابي وارمي المفتـــاح في درج السنين
بزهق قصيدي فيك واحفر في ضلوعي وادفنــه

بشـــرب وفائي والعطش ينخر جذورك مـ الحنين
زي الشجر ياكل حشاك الريح يرجــــــع يسكنه

لو يبلغك هذا الأسى وارجــــو القسـاوه لو تلين
لا مـــــا يلينك هالضياع اللي احتواك فـ موطنه

أحـــزم سنيني والشنط مـــوّت جسدها هـــالأنين
من هالـــسياط اللي تكـسـّر في ظهـــــرها أزمنه

في صحتك عبّــــــيت كاسي بس رفعته تم حزين
ما ألمحه إلا كيـــانـــــــن صار يرجيني أطعــــنه

لو بطعـــــــنك ما فارق الخنجر بشق أنفس يدين
والوقت كبّــــــــل معصــم الأنفاس ولثـــم ألسنه

ما طــــاح من راس الزمن إلا وهـــو رافع جبين
وإن القصيد اللي زهقـــــته ما سوى هدب أعينه

ما مــات في دم الوفا هالماي ما مــــات الحنين
رغم الزجاج اللي تحجّــــــر في كفوفي بحضنه

لوجيت من رحم التعب ونزعت من عمري سنين
لـــــزرعت عرقي في كتابك لي غسلته كفــّــــنه

متأمله أبــــــــذر وجودك تربتي واحصــد جنين
وافـرح قطــافك وشبعك كل الحنــــــان بأحسنه

لو تخلعه هذا الوجه تـــذري تقــــــاطيعه لحين
لا ما توسّــــــــع هالصدر رغم الفضا والأمكنه

أحـــــزم عيوني من أجل لا جاع في قلبي حنين
قـــدّمت شوفي له غــــــذا ميرة شوارع محزنه

* أسوار صور