قطرة وراء قطرة

[عبدالعزيز الرميحي]

لي سنين ما ولعت شمعه ولا طفيت
من الجمر بغيابك بقلبي ولا جمره



تماديت في صدك و هجرك ولا لديت
تركت السنين تقول يا حسرتي حسره



وداعك ترك لك في رهيف الحنايا بيت
على ما شرب من شهد عنابك وخمره



قصيدي يجي نشوان في جيتك لاجيت
تقول المطر هتان قطره وراء قطره



انا في غيابك حي لكن حقيقه ميت
متاهات صبري تقطف الورد من عمره



مساري هجوسي كل ليله على ياليت
ولا فادها ياليت مره على مره

من سنين يا ناسي عهودك تصب الزيت
على جروح بعدك لين جت نار مستعره



من البيت للشارع ومن شارعك للبيت
هقاوي عيوني فيك للحين منغره