:[ أنـصـاف الـوجـيه

[هـيـفـااللاّفـي]

.
.

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
للصبح سكه وشوارع صبحي المرتاب=متبلله من مساء الأمس وشعوره

فكره وعقلي غدى مفتاحها والباب =ينفك لين الفكر يتمدد بنوره

لو جونا مكتئب كله غيوم غياب=أنا بحضوري أجسد قمّة الثوره

أحب دوم الحكي بشفاتنا ينساب=مثل المطر لا أنهمر للزرع وزهوره

تمر بين العيون أوجيه للأحباب=ووجيه أهل الردى بالعين مبتوره

مااغتبت كل البشر لو بعضهم يغتاب=واحفظه في غيبته واحفظه بحضوره

طبعي كذا اعشق الطيبه بلا اسباب =فطره ولا ابتغي أحسّن الصوره

الحبر بوحي ونبضات الخفوق كتاب=والذكريات القديمه فيه محفوره

أقراب لكن نكون بوضعنا أغراب=وعروق وصل الغلا بالبعد منحوره

شعري مابين الذهاب ولهفتي بـ أياب =سكة سفر داخلي اتسهل عبوره

الشعر شمعٍ ومن جمرة شعوري ذاب=إلين يهدي لمساي الهادي عطوره[/poem]