من لايطولك يالعنب// خله يقول اللي يقول

[سـعـد الحويماني]

السلام عليكم ورحمة الله

سعدت بالانضمام لكم في هذا الصرح الادبي
وتشرفت بالدعوه التي وجهها لي الاخ / عبدالله المانع

اصافحكم بهذه الابيات المتواضعه

[POEM="font="Simplified Arabic,4,white,bold,italic" bkcolor="darkblue" bkimage="" border="ridge,4,burlywood" type=2 line=0 align=center use=ex num="0,black""]كل الغرور اللى سكن ياهل الهوى ريم ٍ جفول=طبع الغرور اصلا كذا يكره يخاوى غيرها
يعشق سواليف الدلع/ يالله عسى عمره يطول=يالله طلبتك يالولي/ دنياه وره خيرها
من حقها لو تفتخر/ بانجازها عرضاً وطوول=يحق لي اكتب لها /ابيات شعر تثيرها
مادام الاسهم خاسره/ تعلن نسب دايم نزول=سهمٍ قيادي تعتبر/ في كل خطوه اتسيرها
من لا يطولك يالعنب/ خله يقول اللي يقول=من لا قرا حرب البسوس /وشلون يعرف زيرها
وانتي تعرفين البشر /متشابهه الاالعقول=فيها اختلافٍ بينهم /عندك ترا تقريرها
شمس الحقيقه واضحه/ لو حاولوا فيها تزول=كل الحقائق ثابته/ لو جربوا تزويرها
ياهاجساً في خاطري/ لك مدةٍ وانته تجوول=بلغ عنود ٍ غاليه /بالفكر حايم طيرها
اكتب لها ياكاتبه /في عامنا اربع فصول =وانتي حروفك نادره /زي العسل تعبيرها
هاذي مشاعر صادقه /ماتعتبر مني فضول=معها تحيه من سعد /منكم نبي تمريرها
منك السموحه لو حصل/ فيما كتبنالك ميول=كتبتها على عجل/ واسرارنا في بيرها [/POEM]