زمن الإنكسار

[عبدالله العتيبي]

[poem=font=",6,darkblue,bold,italic" bkcolor="transparent" bkimage="" border="none,4," type=2 line=1 align=center use=ex num="0,black""]
الحنين اصباع تعزف على اوتار السنين=لحن من آخر مسافات خطوات ومسار
ياقوي صبري على الهم وياطول الأنين=تنضج جروح الليالي على شمس النهار
دمعة الأحزان ذكرى بزمان العابرين=في رمادة يبحث الويل جمر الإحتضار
وطفل الأيام يعدي في دروب التايهين=يبحث عن أمٍ غدت في دهاليز القرار
الوتد لو يبطي الما على طرقه يلين=والمحاره في البحر ما تغيره البحار
لو قطفت من الأمل ما قطفت الياسمين=من عطايا التيه وش ناخذ إلا الإنتظار
ولوسألت الصمت سال الحكي في كلميتن=ترجمتني رغبة الهرج في جمره ونار
المطر في حلق صوت الأماني طعم تين=تسكر اللحظات كنه على ميهاف بار
كان ميلاد السوالف اثر رمش وحنين=من تفاصيله وله غرّد القمري وطار
ومن جراح العمر تنبت بروحي نخلتين=وتثمر كروم المأسي وسوء الاختيار
حمل ويل اضعاف جاثم بصدرٍ مستكين=كان شامخ وانتهى في زمان الإنكسار






[/poem]