ياعساه القبر لي ضمك يكون

[محمد الحجري]

يلفني هذا المساء بصمت وسكـــون
ويمطر بصــدري شظـــايا موجــعه


وين اسـافر وين اولــي وين اكـون
والفضـــاء كله وجــــوهٍ مفـــزعه


هــذا همي تفضحة حتى العـيــون
ما قدر امســك شــعوري وامنـــعه


الحزن طاغــي على القلب الحنــون
ضاق وسع الكون من بعد الســعه


ساورتني هـموم والضيقات كــون
مضــيعٍ حتــى فصــولي الاربـعـه


لا ذكــرتك والدي تسـكب مــزون
من عيــوني ولا قــدر لي امنــعه


كن صبري لا ذكرتك لـي يـخــون
ما نـــفع وجــهي كثــير الاقنــعه


لو تبا عــمري ترا عمري يهـون
لك يهــــون العـــمر كله باجمعه


لك فوسط القلب ابراج وحصون
ولك فوســـط العين قصرٍ موسعه


حكمة الله والقضاء وريب المنون
لا نزل في وســـط ساحة موجعه


يا عســـاه القبر لي ضمك يــكون
روضـةٍ خــضرا.. وزهورٍ يانعه


ويا عســاك بجــنةٍ فيها العيـــون
مـــا تمل مــن النــظر مستــمتعه


ياللــي أمــرك بـين كاف وبين نـون
تستـجيــب اللي دعاك وتســـمعه