اربعه ..وخمسه

[عبدالله صلال العساف]

نص اتمنى ان يحوز على ذائقة عابريه


( ...اربعه .و خمسه )

ويزرعني جفاك ابأطرف المنديل
حيره وتمتمات وليل
والمقهى غفا نوره على اهدابي
وانا مسكوب
بأطرف كوب
باكوابي
وشلْتك هيل
اشربتني ساعتي وانتي ولابنتي
وضحك مني كثير الميل
تفضفض هالكفوف ابحيرتي للطاوله الخرسا
سوالف هالقلق
بوْعودك الملسا
منهو منّنا الاقسى..؟
تزيد......وأتقن التقْليل !!
صرير الباب
رنّة اي كعب بارضيّته تنساب
تجذب انتباهي لموعدي الماآب
وأترقذب ملامح نجمة الغيّاب !!
تسولفني عيون الحاضرين لبعضها
في همس
توازعني الشفايف ياغلاي
من امس
من الساعه 11
للاربعه وخمسه
نسيتي عاشق ابحبّك
نسا نفسه
وهالمقهى يسولفني على الماشين
وانا بالزاويه ...والساعه اقبالي
تذكّرني بغياب اللي على بالي
ولا يتغيّر التاريخ بالمقهى
غيّر هالثلاثه اثنين
ويجاوبني ابشغب
دارين
وتضج ابصمتي اعيونه
يامديونه
علينا اغيابك الحاضر
فرض نفسه
من الساعه 11
للاربعه وخمسه
وبدى يومٍ جديد برنّة الساعه
بس رزنامة المقهى
بقت مثلي على حاله

عبدالله صلال العساف