من طيبتي صرت منهار !!

[مرضي البلوي]

للغايبين اعذارهم والحقيقه
اعذارهم تسليك ومجرد أعذار
تعبت أواصلهم .. وادور طريقه
تجمع شتات قلوب / وبيوت / وديار

يأست منهم جعلهم في حريقه
في بعدهم جنه .. وفي قربهم نار
خلاص يكفيني من اليوم ضيقه
هذا أنا من طيبتي صرت منهار

عزاي ، باللي مايخلي [ رفيقه ]
الصاحب الوافي ولو صار ماصار
يكفي وجوده عن جميع الخليقه
وان غاب عني له معزه ومقدار

وياااه كني في حياته .. شقيقه
واحد ويسوى له من اقرابي أكثار
ايه أنت يا نسل الرجال العريقه
يابن فريج المشعلي نسل الاحرار

مابيني وبينك : علاقه وثيقه
ومابيني وبينك : حكايات واسرار
لكن متى تصبح جروحك عميقه ؟
يا صاحبي وتصير ضايق ومحتار ؟!

لا سددت ( بعض اليدين الصديقه )
طعناتها اللي دون لك سابق إنذار
وتدري متى اللي ترغبه ما تطيقه ؟!
لاطاح لك عن وجهه الكاذب استار

بتحس فيك ان الغلا .. جف ريقه
وتحس فيك ان الزمن وقتها دااااار