نــشــــ(ـميــــــــه ) %

[خالد الظويفري]

السلام عليكم ورحمة الله وبركاته
يسعدني ويشرفني الانظمام لركب الكبار
( نشميه ) القصيده ..
هي نص من أرشيفي المتواضع
يسعى إلى الإرتقاء لمصافحة ذوائقكم هنا ..


..



[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنا لجل الهنــوف اللـي دعتنـي وجيتهـا نشـوان=تعبــت اســــــــأل وادور عـــن هديــــــّــــه ترضـي الجـيـّـــه ..

انا ياويش ابعطي من عطـاه الله وانـا (انسـان )=أحـــد يمـلى عيـــونه شي .. بعــد ماشــــــــــاف ( نشميـّـه ) ؟!

هنوف ٍ سحرها الواقع معه ترضع ملوك الجـان=أخـــاف اقـــــــــول انسـانـــه .. وانـا مــاقـــــــول حوريـّـه !!

زوايا قصرها العاجي خرافـة كـان يامـا كـان=تنـــاقلهـا الأمـــاكــــن بابتهـــال احـــــــــــــلام ورديـــّــه

لو افطم شالها العذري يضج الدم صهيـل حصـان=وتصبــــح لحظـــــة التـــــاريـخ.. لحظتـهــا النهـــــــــائيـّـه

عظيمه وجهها هيبة فخامـة مجلـس السلطـان !=وحـــــــولـه عليـــــــة القــــــــوم بـــ/ مـلامحهـا الخــرافيّـه

لهـا لـــون ٍ الى منــّــه تفرعـن تخضــع الالـوان=واشــــــــوف الطيــــف محنـــونـي .. يحيـيــهـا عــلانـيّـــه

جدايلها فجـر صافـح لياليهـا وكسـب ارهـان=غــدرهـــم مغـــــرب ٍ طــايـش لعــب باثنــيـــنـهـــم غيـّــه

على جال العيون الموت / يحيا طرفهـا النعسـان=الى مـن سلهـمــت غنـى الهــــــــوى والشـــــــــوق رديّـــه

تعــزف نعـاس / وتغنـي منـام وترقــد الالحـان=تقــــول ان المــطـــر( رجـال ) واقـول ان الثـرى( بنيّـــه )

وعلى حد الشفاة الورد / جمر ٍ من لضى التحنـان=الى مــن شبـــت البسمـــــــه .. زبنـهـــا البـــــــرد بالنيّــه

تسولف للمدى .. ينبت على الغربه .. حنين اوطان=تعــــزم الليــــــــل للظـلمـــى ..وتـلبــس شمسـهــــا فيّـه

تقــافـــا كنـهـــا بحــــر ٍ تحظـن مــده الشـطـآن=تقـــابــل كنـهـــا غـيــــث ٍ .. يصـلــــــــون بحـــروايـّه !

تثنى كنها .. ليــــل ٍ .. يجيـب الصبــح قبـل يبـان=وتوقــف كنها صبـــح ٍ يمــــــــوت الليــــــل مـن ضيّـه

خطــاويـهــا كأن الارض يـد .. ورجلهـا فنجـان=ومشيـتـهــا كـأن الارض طهــر .. وخطــــــوهـا سيّـه !!

تصـب اقدامها للـريح .. وتشـرب دربهـا البيبـان=وتشهـقـهــا الخطـــاوي مـوت .. وزفـرة رجلهــا حيّـه

تلحف ليلها .. ببشت الصباح .. وعصرها سهران=وتهــدي انفــاسهـا للـــــورد .. عـطــــر ٍ يقطــف يديّــه

تواعـدنـي ويسبقنـي عليهـا عمــــري الشفقـان=وتركل فرحتي .. لاقصــى .. ســـــراب ٍ شـــرب رجليّـه

تنـــادينـي وقبـل انـي اجيهـا اذكـر انـه كـان=أنا ( خــالــد ) ولا مــن جيــــت تصـــورنـي انـا هيّـه !

تسولفني علي وقبـل لاسولـف يمـوت لسـان=واعزيني على شعـــــري وصمـــت حكـــــايتـي ديّــه ؟!

واحس ان الكلام الموت واحس ان السكوت اكفان=اســــولـف مــــــــوت والا اسكت وانا ماعــاد ف يديّـه !

وانـا لــو ماكتبنـي شعــــري وتسنـــدنـي الاوزان=وربـي مـايجــي منّــي ....% .... ولا هـــذي ولا ذيــّــه !

الا ياشعـــــري اللـي ماوصلـت لقمتــــه لــلآن=اذا ماتلتـفـــت تقــــــرا صعـــــــودي وش تبـي فيّـــه !!

انا لجل العيون اللـي دعتنـي وجيتهـا نشـوان=كتـبــت اصـــــــدق حروفـي للهــدايـا شبـــــه مرثيـّـه

أجل من شاف نشميـه بتمـلى غيرهـا الاعيـان=وأحـد يملى عيونه شي .. بعـــد ماشــــاف ( نشميـه ) ؟![/POEM]