كل شي سهل

[عبدالله التميمي]

سلم على واحد من الناس غالي*
يطلب عيوني كان يبغى عيوني

العين له دام حبيبي لحالي
والقلب له دايم ودايم حنوني

سلم على من هو سكن في خيالي
بعده ترى كل البشر اجحدوني

سلم على اللي ساكن(ن) فشمالي
قله ترى حبه وصل للجنوني

سلم على قلبي وعمري وحالي*
سلم عليهم كلهم لو يبوني

البالي باله لو يقولون بالي
والعين عينه لو سكن فالجفوني

والدم دمه لجله الدم سالي
والدمع دمعه يابشر ارحموني

والليل ليله كم سهرت الليالي
اكتب حروف اسمه على كل لوني

اسهر انادي عالي الصوت عالي
هجرك ياخلي زاد قلبي طعوني

اقرب وداويني بطعم الوصالي
هجرك قتلني والهجر مايهوني*


برسل احاسيس الجمل
وانت عليم ابحالها

حبي وحبك ماكمل
قمة ولاحدن طالها

دنيا مريره والامل
ضاع الامل بهوالها

وين الصدق وين العمل
ماتت ولاحدن شالها

زاد التجاهل والجهل*
اصبح بدم اجيالها

في بالهم كل شي سهل
كلمة سهل من قالها*








بقلمي
عبدالله التميمي
"حبيس الهاجس "