الفخر حنا ؛ له بسيفً صقيل / بداح الشويب

[بداح المطيري]

الفخر حنا ؛ له بسيفً صقيل
نعتزي والكايدات ؛ انحلّها

ان بغينا ؛ مانبي فيها قليل
كسبنا عقب العزاوي ؛ كلّها

تشهد الصمان من دمً يسيل
ويشهد التاريخ ؛ حنا ظلّها

يوم كلن للفخر عنده ؛ دليل
مطير تاريخ الشجاعه دلّها

كم قبيله اجبروها ؛ بالرحيل
بالغصب كانت سبب في ذلّها

سّطرو فـ المجد عنوانً جزيل
عند حمران النواظر ؛ جلّها

يزبن المطران من دوّر دخيل
يحتمي والكايدات ؛ انحلّها

مايجي من بينهم عايش ذليل
يطنخ ؛ برفع السيوف وسلّها

والفخر موروث جيلً بعد جيل
ماتغيّر لو تغيّر ....... حلّها

#بداح_الشويب