المجالس البلديه !!!

[سعود القويعي]

احبتي

اعتبروني ماااااا أفهم
وفهموني وش سالفة المجالس البلديه وهالأستبشار المعجزه بمشاركة المرأه فيها !

طيب ... اخترنا وانتخبنا وخلصنا ... وبعدين ؟

حد يفهمني ... ماهو مردود هالاحتفالات والتشخيصات من بعض المنتخبين وكأنهم سيأتون بما لم يأت به الأولون ؟؟؟

وش اللي بيسوونه ؟ وش حدود عملهم ؟ وهل ماسيقرره الناخب او الناخبه ساري المفعول ؟

انتخبنا هذيك السنه ثم رقد الموضوع ونسيناه ولاشفنا غيم ولامطر ... ؟

وتنعاد هالمسأله مره ثانيه .. وهاتك ياطرطعه وانتخب لاتنتخب ؟ طيب وبعدين ؟
وبن الفائدة .؟؟؟النتيجه بعد كذا وش هي ؟؟؟
والإعلام ما ينشر صلاحيات المجلس البلدي ... مجرد تطبيل وعبارات انشائيه مكرره وممجوجه !

هل هذا الحراك الانتخابي السبهللي مفروض علينا
وهل المسأله تسكيت للغرب !!! شوفوا عندنا انتخابات مثلكم و المرأة تشارك؟؟؟؟
المأساه ان فيه ناس مصدقه نفسها ,,, وهاتك ياولائم واستعراضات وتشخيص وياشن هنا وياشن هناك ...
تقول مرشح لسكرتارية الأمم المتحده مع تحفظي على تلك المنظمه البائسه....
ذكروني بالأنتخابات المصريه ( مع الفارق ) علبة زيت وفرخه .... ويعطيك صوته ... اقسم بالله بعض العرب مضحكه .
رجاااااء / الأعضاء الأذكياء والخبراء بهالمسائل .. يفهموني ... وش مردود هذا كله على المواطن والوطن ؟؟
ولهم جزيل الدعوات .

تحياتي من اخوكم اللي مايفهم