لو شفتني

[عبدالله البطي]

وجهً ليا مرك من النور يجهرك
مطيع لله صادقً ماعصاله
واوجيه يكفي شرها لو تناظرك
عاله ولا زالوا على الارض عاله
ياعقلي التعبان همك يدمرك
نسيان مايجري صعب واستحاله
يابعضهم والله كنه يقدرك
وهو يحفر الارض حسد وعماله
تشوف بعيونك قريبن يحقرك
لو تتدعي له بالغلا ماوعاله
احيان شيمتك الكريمة بتجبرك
لو تنعزل قالوا وحيدً لحاله
احترت بالثنتين قلي واذكرك
كم موقفً شفته وكم شفت حاله
لاتامر بحاجة ولاني بأمرك
لو شفتني مسرور ماني بداله
اضحك وانا والله صادق وعاذرك
كلن على ماقيل يتبع مجاله
ماهو بذنبي كل الاشياء تقهرك
ياشينها شيناه خبث وجهاله
تبي الصحيح اقسم وربي ما اعبرك
واسمع من الشاعر فرايد مثاله
ماهو ضروري كل مااعطيت بشكرك
اذا عطيت بمن ماهي جماله
لو شفت عند الناس وجهك ومنظرك
كلن سأل وش مر في وسط باله
تسكت ولا كنك على الارض محقرك
غاب الجواب ومات عندك سؤاله