جرّة لساني

[أمجد الدبيسي]

من يعلم صاحبي معنى التفاني
من يغيّر "صورة الليل" الحزينه

والله اني كنت اظن الصبح داني
لين فارقت الوطن وارض المدينه

طال صبر اللي عشق بنت الحصاني
واحدٍ ،، تطرب على ذكره جهينه

من تفارقنا ،،،، أدوّر للمواني
والبحر ، ماقدّر شعور السفينه

كل ما ماجت بي الذكرى تراني
افرد شراع الاحاسيس الدفينه


ماخذيته من ثلاثيني كفاني
والضلوع العوج ماعادت حصينه

الجمل لا كثرة حموله ، يعاني
مثله العاشق ليا " طوّل حنينه "

آه من جور الفراق و آه ،، ياني
اغبط اللي سامر بصحبة ضنينه

بانت جْروحي على جرّة لساني
لين صارت اصغر احزاني ، ثمينه