المطر اعمى ..

[أمجد الدبيسي]

مصافحة قلبيّه

طالبك !! لا تلمس الجرح بْمراسيلك
جروح الاوراق من حرفك بدت تدما
.
ان كان يشهد على دمعتك > منديلك
عن هم قلبي ترى تنطق لك البكما
.
وكانك تظن الجبل ما يلين ! ياحليلك
انشد سفينة ( نبيّ الله ) فوق الما
.
والشمس لو عن شموخ الراس تحكيلك
تنبيك عن صدق حالي وحشة الظلما
.
واسمي !!! ولو ركّعَت قلبي معاميلك
ماهو بحي الله اسم ! ان عدوا الاسما
.
غنّالي الكيف > قبل اشرب فناجيلك
واليوم شفني بديت انساق لك واظما
.
اي والله ادري مايثمر لو جرى سيلك
وش حيلة الغيم لا صار المطر اعما
.
ولاتظن جرحي يطيب ان جت مراسيلك
جروح الايام من {{ عام الجفا }} تدما

محبكم
امجد الدبيسي