[أعذبه أكذبه]!

[نورة القحطاني]

.


مليان فوضى خاطري وأكثر مشاهدنا شرود
نغيب في ذكرى ونمسح دمع عينٍ متعبة

ماملّت الضيقة بعد فيها من المشهد جحود
غريب والغربة نست تعطيه من كف اْتعبه !

شتات هاللحظة تزاحم غيم .. وبروق .. ورعود
هاك الحقيقة لو تمادت .. هالحقيقة مرعبة !

لو طاح من قلبك شعور ومات من حزنك صمود
وشلون تقدر تحيي الميت ودمعك يكتبه !

ماخان نبضٍ يستقيم وداخل احساسك وجود
شعورك اللي للأسف مازال عذْبه أكذبه !

طبع المواجع لو تمادت بالسكوت أضحت قيود
من هو يفك القيد عن قلبٍ تكدّر مشربه !

لاجاك فـ الزحمة شعور وطاري الذكرى يعود
انفث على صدر المشاعر وادع ربك واطلبه


/

المشاعر لاتكذب ... ولو لفق لها الخيال ألف موقف !