[ دندنة ]

[فارس بدر]

؛

لا زلت أبحث عنها !

.

 

[فارس بدر]

؛

الزعل بعضي وبعضي لك رضا
عقلي اللي يرفض وقلبي يبيك

في وداعك جمر وبـ قربك لظى
حيرتي تبكي عليّ مدري عليك

واقفٍ بالمنتصف عمري قضا
بين الوح لك وبين امسك يديك

فيه ذكرى حلوة وجرحٍ مضى
وفيه خطوة تبتعد عنك وتجيك

وين اروح وكل دربٍ ما رضا ؟!
كل دربٍ يبتدي بك ينتهيك !

يارياحٍ تلعب بـ جمرة غضا
ف الظماير تحرق اللي يحتريك

ضاقت الدنيا هنا وضاق الفضا
والسبب جرحك وقلبي اللي يبيك

.

 

[فارس بدر]

؛

تخيل من كثر حبك
ابي عمري يجي بشويش

تصدق : واحلف بـ ربك
انا ما اعرف احبك ليش

اعرف اني احبك حييل
وبدونك مستحيل اعيش

؛

 

[فارس بدر]

؛


منهو يخلي عقرب الوقت ساكن
يمكن هنا نقرا ملامح بعضنا !








؛

 

[فارس بدر]

؛

هجرتني واقسى تعب
شفتك تميل لـ من هجرك

أنا نظري على العتب
وانت العتب على نظرك

؛

 

[فارس بدر]

؛

اوادع من صدفت وينخطف لوني
‏واشوف الدمع ما ينزل ولا يرقى !

‏من الفرقى غديت ابكي على عيوني
‏لــ إن عيوني ما تبكي من الفرقى !

؛

 

[فارس بدر]

;



وقتي اللي مر وجهك في طريقه
مر بـ عيوني و غفاها ونام

عمري مر بصوتك المرهف دقيقة
والدقيقة بدون صوتك الف عام

لا سمعتك انسى هالعالم و ضيقه
نبرتك فرحة و انفاسك هيام

الزمن لو شب بـ ضلوعي حريقة
طيفك اليا مرني برد وسلام

تدري انك بس في عيني الحقيقة
ما اشوف الا انت والباقي ظلام

جيتك باحساس عاشق ما يعيقه
لا مسافة ولا عذول ولا ملام

كل شي اتحمله بعدك ما اطيقه
انكسر دونك ويتركني حُطام

(هذا) شوقي جاك شوفي له طريقة
يلمس يدينك ويحضنها وينام



;

 

[فارس بدر]

؛

واذا اشعلتك مثل فكرة
وبللها الحنين سنين

انا ما اخاف من بكرة
انا الماضي معي للحين

؛