مدري وش طراه…!!

[نايف الروقي]

السلام عليكم ورحمة الله
بدون مقدمات

( مدري وش طراه …
؛
ايه ياطفلة الشاعر شعوره كبير"
وردي احلامك الفاخر مايستوعبه.
ناشي السلسبيل بمحجرينك مطير"
ماعرفتي حياة العالم المتعبه.
جادك الغيث بالعاطر ونفح العبير"
لاتهاتف غشينك زاحت المسغبة.
ليلكي محجرينك في عيون الغدير"
فارس ٍ مهر صبحك فضته وذهبه.
شاعرك صح لو حلمه بعينك صغير"
شيب الوقت قبل يشيب لون شنبه.
يرشف المر رشف الطب لو هو مرير"
بس ما كل براق ٍ يلوح جذبه.
توقد النار في جوفه كفوف الضمير"
والضمير آدمي يبغا ضمير ٍ شبه.
طاوعيني وفليها يقر القرير"
شرقة شموس عمرك حدها مغربه.

 

[نادية المرزوقي]

والضمير آدمي يبغا ضمير ٍ شبه.
طاوعيني وفليها يقر القرير"
شرقة شموس عمرك حدها مغربه.


،
نايف أيها النايف ،

تمر كالعادة بكل إبداع
تعبر سفننا مع بحورك
رفقا بنا و بها و بك،

،
كل الشكر و التقدير
دمت بخير و عافية.

ن

 

[عبدالله العتيبي]

صح لسانك نايف وعلى شانك

شاعرك صح لو حلمه بعينك صغير"
شيب الوقت قبل يشيب لون شنبه.

ابدااع من الآخر