تعبت وعجزت

[فالح البريكان]

[POEM="font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تعبت ابحث وادوّر للعسير من المشاكل حل = وعجزت القا الحلول ولاكسبت من التعب راحه
وتعبت اتابع بسود الليالي والظلام الضل = عجزت اصدق ان الليل جاب الضل مصباحه
وتعبت اقاوم الطيش العنيد الغازي المحتل = وعجزت امنع طوابير الهموم القلب تجتاحه
وتعبت امنع هوا نفسي واداري زلتي مازل = عجزت اردها والمشكله ماهي بمرتاحه
وتعبت اسير مع درب وعسير وضايع ومادل = وعجزت القا مقيل ومابه الوادي ولا الواحه
وتعبت اشاهد بدربي مناحيس ووجيه اعلل = وعجزت اتخيل ان الشعب هذا ممكن اصلاحه
وتعبت اجامل الجاهل واساير واهم ومختل = وعجزت اغير المفهوم لو باعلان بالساحه
وتعبت اسمع فحيح صدور من كثر الحسد والغل = وعجزت الا القليل اذا لقيت تبين افراحه
وتعبت اشره على صاحب واعاتب بالمحبه خل = وعجزت انقذ وفاء مدفون سامع باذني اصياحه
وتعبت ادرا مشاريه الميانه والدلع والدل = وعجزت الحق رضا من صرت له خاتم ومسباحه
وتعبت اشاهد اضعوف البشر تخضع هوان وذل = وعجزت استوعب المشهد بغازي شاهر اسلاحه
وتعبت اكرر المشهد .. قرار ابله !! ( دمار الكل) = وعجزت افهم عقول(ن) ماعرفت من يجني ارباحه
وتعبت اسمع كلام الامنيات وياعسى لاعل = وعجزت اصبر على كذب المنافق واسمع امداحه
وتعبت وعاجز افكر عن الحل وبديت امل = وعجزت من التعب والقلب عيت تبري اجراحه[/POEM]

فالح البريكان