00 مركب الروح 00

[عودة نزال]

[POEM="font="Arabic Transparent,5,black,bold,normal" bkcolor="white" bkimage="" border="double,9,sienna" type=2 line=0 align=center use=ex num="0,black""]

ياللي تأمّل مركب الفكر والروح = دام الهوى بكفك أبفرد شراعي

أبيك تبحر في طباعي على ضوح = وأبيك تغْْْفَى في دجى اقصاي واعي !!

وأبيك تلقى مسلكي برقه يْلوح=إذا دعاك مْن المتاهات داعي

ياصاح دامك جيتني كلك طْموح = في رفقتي .. ما لأبيض الكذب داعي

أنا ترى هذا أنا وين ما آروح =وفاي : قنديلي .. وصدقي :شعاعي

أكذب عليك إن قلت أنا كتاب مفتوح = واكذب عليك ان قلت صعبه طباعي

مرات أكون أعنف من إنسان مجروح = ومرات أكون ابسط من أحلام ساعي

في داخلي صمت المحبين والبوح = وفي خطوتي صوت الدليل وضياعي

تشوفني غامض وانا كلي وضوح= وتظنني واضح وهذا قناعي !!

هنا .. أجي يأس ونهايات وجروح = وهناك ..مثل الناي بكفوف راعي

يعني تخيلني كذا .. لغز مشروح =مشروح .. بس دوني تموت المساعي

ياصاحبي مابين مبهم ومفضوح =تابع متاهة رغبتي وامتناعي

ياني خجول الظل والطير والدوح =وياني جرئ وفوضوي واندفاعي !!

أحيا هوى وانا من الحب مذبوح = وأموت سم ولا حيت بي أفاعي !!

في فرحتي تهزني همهة نوح=وبارق سعد ينتابني فــ إلتياعي

يسيل حرفي في مدى النبض بجموح=وينبت بنفسج حيرتي وسط قاعي

لو بحت.. ماقلت الحزن وقت ويروح =ولو شلت .. خفت الحزن يلوي ذراعي

أدري غريب وغربتي : ( بيد وصروح) = لكن ورغم الوقت يبقى اقتناعي ...

أعيش واحد .. أشرب الصدق وأفوح =طيبي .. ولا أعيش بضماي اجتماعي

ذي رحلتي وقل ماتبي : جد ومزوح = بس لاتقول أن التعالي متاعي

ياصاح .. وان شفت أكثر الصمت مبحوح = اسمع نداي ان كنت غاوي سماعي

أنا مثل ماقلت .. والحرف مطروح = شفني .. ترى مليت احسّب وأراعي

إن جيتني خل أكبر الذنب مدموح = وأنا ابفرد للمحبة شراعي

وان رحت عني قلت : مسموح مسموح = اسهل وداعات الأحبة وداعي

بس لا تعلقني على مركب الروح =اما انسني .. ولا تحمّل طباعي

[/POEM]

 

[وائل فهد]

عوده النزال
اسعدني ان اكون اول القادمين
نص رائع
صح قلبك
كن بخير

 

[عبدالله سعيد]

:

:


عودة النزال
ملامح الابداع مغروسة في هذا النص
لك تحياتي

:

:

 

[خالد صالح الحربي]

:

مَا أجمَلَك ياعودة / ومَا أميَزَكْ عن غيرِك ..
عند من يقرأون بنزاهة وَ يبحثون عن وجاهة السهل الممتنع !
_ تقديري والكثير من احترامي _

 

[عاطف هادي]

عودة نزال...عندما اقرأ قصيدتك فأنا اصافح الابداع والتميز وألاحساس الرائع

لك كل الشكر والاحترام والتقدير على هذا النص الرائع ...

 

[نـــجد]

مركب الروح
بين المد والجزر قصيدة كلها بيد وصروح
رائعة ممتعة
عودة نزال صح إحساسك

 

[اسعد الروابة]

عودة نزال:

رائع هذا النص وهذه التفاصيل

دمت بخير

 

[العـنود ناصر بن حميد]

أكذب عليك إن قلت أنـا كتـاب مفتـوح
واكذب عليك ان قلـت صعبـه طباعـي

***
مرات أكون أعنف من إنسـان مجـروح
ومرات أكون ابسط من أحـلام ساعـي

***
في داخلـي صمـت المحبيـن والبـوح
وفي خطوتي صـوت الدليـل وضياعـي

***
تشوفني غامـض وانـا كلـي وضـوح
وتظننـي واضـح وهـذا قنـاعـي !!

***
هنا .. أجي يـأس ونهايـات وجـروح
وهناك ..مثـل النـاي بكفـوف راعـي

***
يعنـي تخيلنـي كـذا .. لغـز مشـروح
مشروح .. بس دوني تموت المساعـي


الله عليك

هناك نصوص نبحث عنها

دون أن نعرف .. لما ؟!

وحين نصل إليها

ندرك

متعة البحث / والانتظار

عودة نزال

صح قلبك

ودمت بخير