أشــــربــــك عـــشـــق

[بدرالموسى]

نص متواضع

اتمنى ان يرتقي لذائقتكم


[POEM="font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]جيتك أنا بالشوق والشوق حراق = جيتك أدور في لقاك انت بردي

ألقاك فرحي كلما الكون بي ضاق = وأشوف نفسي هايمٍ فيك حدي

أفتح كتابي ألمحك بين الأوراق = وأكتب حروفك ثم اكتب وأعدي

ودي بشوفك ودي أخذك بعناق = وأضمك لصدري ويدك بيدي

وأشرب من شفاهك كما شرب عشاق = وتعصف بنا أمواج مدك ومدي

يا بو عيونٍ ناعسة وخد براق = ولا الشفا يف طاغية بلون وردي

والشعر أسود كنه الليل سراق = وكن الدلع ما بين حايل ونجدي

عذبٍ وفتانٍ غنوجٍ ورقراق = الوصف حصري مكتمل فيه قصدي

الاسم [ . . . . ] نورها فاقها فاق = الود ودي أكتبه الود ودي

فوق الحلا والحسن أخلاقها أخلاق = حتى القمر داخل معاها تحدي

الذوق فيها يغلب الذوق بأذواق = بالحسن آية وطيبها طيب فردي

تطوي العذارى بحسنها طوي الأوراق = هدي عليهم يا منى الروح هدي

أشتاق بحضورك وبغيابك أشتاق = إن قلت بدك ؟ قلت أنا حيل بدي [/POEM]