براويز الغرام

[عبدالعزيز الرميحي]

[POEM="font="Traditional Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

كل ما هب الصبا نادتني = ذكرياتٍ للحبيب وليّه
ذكرياتٍ كل ما ودتني = عوّدت وآلآمهـا بحنيه
كل ما شدّت عليّ أرختني = وكل ما أرختني تشد شويه
العطا كل العطا لااعطتني = زود حنيه على حنيه
شربةٍ من عذب جم أروتني = بللت شوقٍ يبس بشفيّه
سلهمت وبرمشها ودتني = للبعيد بظل غصن و فيّه
كل لحظٍ به قتيل أودتني = هو يجي قتل العيون بليّه ؟
اقتلتني ساعةٍ واحيتني = وكل قتلٍ له قصاص وديّه
ذوبت عذب اللّما وافنتني = بعثرت جمع العروق الحيه
لين غابت والجروح آختني = ولين حضرت علتي مبريه
غيرها ما احدٍ قدر يلفتني = لا اقبلت هيه ولا اقفت هيه
والسنين استسعرت وادمتني = حسبي الله قيدها بيديه
والظروف اللي كما حدتني= اترك أحباب القلوب اهنيه
ليتها ياليتها نسيتني = عند بابه شرهةٍ مقضيه
أو على عود اليباس أمستـني = غصن بان بشجرته قمريه
ما شقيت ان كانها ما اشقتني = بعدها كل الشقاوه بيه
وما عليه دامها حبتني = المهم ان المشاعر حيه
وما عليه كانها حطتني = في براويز الغرام وغيه
وماعليّ ان كانها خانتني = دام خانت بي لجل عينيه
وما عليه دامها سوتني = مثل ما سوت سوات كذيه
والليال ان كانها وافتني = به لا اولع شمعةٍ مطفيه
واتركه يسكت مثل ما اسكتني = وامنحه ليلٍ يشعشع ضيه
وآخذه زفرات تسكب متني = عطر ليل وذبح حيل الجيه
واستبيح النوم وان ردتني = للسهر جمر يتمادى كيه[/POEM]

 

[ميــرال]

وش بعد هذا


عبدالعزيز الرميحي

زهور الدنيا وورودها وفراشها
هنا

شكراً لاتكفي جمال النص وعذوبته

ملايين الشكر
لكل حرف
مبدع
واكثر بكثير

 

[هـيـفـااللاّفـي]

,’


,’



كتلة الأبداع!

قلم لا يكتب الا الجمال..

مبدع الى حد الخيال..وأكثر

شكرا لله لأني قرأتك

دمت مبدعاً

 

[أحمد الكميان]

الرميحي

صح لسانك وقلبك


الى القمم دوماا

 

[عبدالمولى العمري]

عبدالعزيزالرميحي
0
0
0
رائعٌ جداً هذا العزف المنفرد منك
فشكراً لك بقدر ماأطربت ذائقتنا أيها العازف القدير

 

[عبدالعزيز رشيد]

الجميل \عبدالعزيز الرميحي
حرفك يجيد القفزات فوق سطح ماء الشعر بلطف
شعرٌ لطيف وشفّاف وعذب
ينساب برويّة لـ يروي
تحيّاتي

 

[عبدالعزيز الرميحي]

المشاركة الأصلية كتبت بواسطة ميــرال

وش بعد هذا


عبدالعزيز الرميحي

زهور الدنيا وورودها وفراشها
هنا

شكراً لاتكفي جمال النص وعذوبته

ملايين الشكر
لكل حرف
مبدع
واكثر بكثير

ميرال
بل ملايين الشكر لمرورك الزاهي
وحروفك الراقيه
الجمال هو هذا الأحتفاء الكبير الذي غمرني
بصدقه وبياضه

كل التحايا

 

[عبدالعزيز الرميحي]

المشاركة الأصلية كتبت بواسطة سحرالمسا

,’


,’



كتلة الأبداع!

قلم لا يكتب الا الجمال..

مبدع الى حد الخيال..وأكثر

شكرا لله لأني قرأتك

دمت مبدعاً

سحر المساء
لحضورك هنا سحر أخر
لايليق به الا الجمال
شكراً لك وأكثر