بيني وبين الـ بَينْ
,
آه
ياكم شافتك عيني
ويديني تـ صافح طيوفك
وتتخيل كفوفك
كم قريت اسمك
وقال اسمي تشابهني
وادوّرني وألقاني يتيمٍ ماعرفني
جيت متخفّي
بـ جناح وروح
يمكن آصلك وآطيح متخفّي
مثل احلام متوفّي
لقوه الناس متبسّم
وصلتك
ماعرفني غير صمتك
كم تدلّى بـ غصن صوتك
وانقطف صوتك بـ صمتي
وطاااحت اصواتي وسكتي!
كم رمت روحي حجارة
مره بـ شبّاك صوتك
وانكسر شبّاك صوتك
خفت لحظتها وهربت ومادريت انك رحلتي
نور من طفلة تطشطش في عيوني
ـــــ لاعبتني وسالتِ دْموعي لـ رضاها
قلت هاتي لي منامك في جفوني
ـــــ واحلمك غابت!ومنهو الليٍ نهاها
ماآتخيلها أبد طفلة بدوني
ـــــــ وماآتخيّلني أبد عايش بلاها
وكم رجعتي
وشفّة رجوعك
تلعثم بالغياب
ومن حينها قلبي سكت
من حينها روحي سكتت
من حينها عيني حكت
وبلهجة دموعي وقالت:
نسخة وصورة مع الأحزان لـ غيابك !