يبه وينك ؟!
اشتقت لضمة ايدينك ,
اشتقت لـ صوتك الحاني
وطهرك .. مبسمك .. عينك
يبه وينك ؟!
بتكمل غيبتك عامين
وانا انتظرك الين الحين
انادي .. يايبه إرجع
وتبكي مع نداي العين
يبه ارجع ..
قسم بالله ضاق الكون
وبعدك لاطعم لا لون
كسيره كل جنحاني
وقوتي هو حزن مخزون
يبه ارجع ..
خلاص اليوم ما اقدر
اسج وعنّك اتصبّر
وانا طفله معودها
تشوفك اكثر واكثر
يبه تكفى ..
ابي شوفك ولو ليله
ماعاد بقلبي اي حيله
ولو ساعة فرح وحده
تنسّي دمعي .. منديله
يبه اسمع ,
يبه تدري انا احبك ..
وابيها دنيتي قربك ..
اقاسمك القبر دايم ..
وانسى حزني المُربك ,
يبه تدري !!
خلاص الحين جاني النوم
وكالعاده مثل كل يوم
اردد يايبه ارجع
..... يايبه ارجع
...... يايبه ارجع
بدمعن مايعرف الصوم !!
الله يرحمك يا اغلى من راح ..