يَ | حبيبي .. مامضىَ , جدآ حزيــن !!

[شوق الغوالي]

مدخل :

ياحبيبي
مامضى جدآ حزين
يوم اناظر
في وجوه العابرين وما اشوفك
انهكت قلبي طيوفك
وصارت دموعي تبين

انا وين !!
وين اعرابي وسط جملة مدامع
عمري ضايع
واصدق افراحي دفين

أنا وييين !!
في عيونك !
وسط جوفك !
او مضاف لما مضالك من انين !!

يالسنين ,
هو متى حزني يلين !
مابقى فالقلب صبر
ولابقالي اي حبر
اكتب اشعار الحنين

مابقالي غير بسمه
وانكسار
ودمعتين
تقطع انفاس الوتين

ومن ادين ؟!
ياسنيني من ادين ؟!
دام عمري انقضى
وانا مع احزاني سجين

يالسنين
" ايه انا جدآ حزززين "

.
.

.
.

صاحت عقيمه والمواني عتيمه
والدمع اصبح في حلى العين محتار

حظٍ تملك روحها هالسقيمه
جمّع معاني و للحزن .. نظمّ اشعار

ثارت طقوس الدمع تبكي اليتيمه
من وين مالدّت غزى العين تذكار

صاحت / حبيبي قالوا إني عقيمه
يعني هذاك الحلم من داخلي طار

يعني أسم هالطفل مامنه قيمه
محدن يناديني أبد بـ أم عمّار

ياغاليه .. دام النوايا سليمه
لاتحزني هذا الفضا عاش دوّار

نادي المحبه تمطر اليوم ديمه
تغسل بقايا دمع فالعين مدرار

ياغاليه طبع المحبه حشيمه
عيشي بها تمحي خطا كل ماصار

لا تزعلي لو كان اسمك عقيمه
عمر الاسامي ما امنعت سير الأقدار

خلّي الأمل يكبر كما كبر غيمه
وياعلّ باكر يبتدي بأجمل أخبار

.
.

مخرج :

وانتهى الميعاد فجأه
من أوامر هـ السنين
كانت اشواقي مدامع
كنت انا للحزن جامع
وانتي وين ؟
ضعتي مني
ارجعي لو تسمحين
دام صرتي كل ما املك
من بلاد
ومن عتاد
ومن حياه
ارجعيلي والا قولي ..
انتي وين ,
ماقدر اجاري غيابك
وانا يسكن بي الحنين

يا حياتي
لاتضيعنا السنين
لاتغيبي وتكتب حروفي ( حزززين )
بس اشوفك في عيوني
وبين حضني ياجنوني
ترتسم بسمة سعاده فالجبين ,

وانتي ويييين ؟!!!

كـ / شوق الغوالي