[ثاني الدهمشي]

لكم مع كل الحب ..


:

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]شوقي جسد..يطعنْـه خنجـر غيبتـك فـي كـل يـوم=واليوم مات الشوق..يعني شوف كم من يـوم غبـت؟
سبحـان مـن خـلاك بـي موجـود وارداك مْعـدوم=شف كيف كنت بيوم سبت .. وكيف صرت بيوم سبـت
هـذي هـي الدنيـا .. لأيـاً كـان لا يمكـن تــدوم=فْما بالك بشـوقٍ قبـل لا يمـوت يامـا منْـه ذبـت
ما اخطيت فـي حقّـك ولا بلْحقْـك بعـد اليـوم لـوم=بالعكس .. اشوف اني معك بالذات يوم اخطيت اصبـت
القلـب بايـع .. والغـلا سلعـة .. وعذّالـي تسـوم=وانت اتظاهـر بالرضـى للبيـع وإلا انـت انغصبـت
خلك كذا.. كابر على حسابـك يـا معطـى و مْحـروم=الأرض لو جاها المطر ما امتصّتـه مـا شفـت نبـت
وانـا لـك الله بعـد دفـن الشـوق عزّيـت الهمـوم=وشافت عوضها في دفا صـدرك يـا مسكيـن انّكبـت
كنّي أشوفك بعد مـا اقفـي عنْـك تمسـح بالكمـوم=دمعٍ لو بكيفه يقول : إبْـك إبْـك .. هـذا مـا طلبـت
أحسنت فيـك الظـن ليـن الظـن جـا ويقـول قـوم=ما ضيّعـك غيـر انـك لحقّـك مـن أيامـك سلبـت
وصدقي معك مـا ذلّنـي والكـذب مـا عـزّ الرخـوم=وانـا معـك صـادق لهاللحظـة ولا عمـري كذبـت
كـان العطـش فقدانـي لزولـك .. والأيـام السمـوم=وشوفك لي (الماء) بس قبل اشرب على الأرض انسكبت
إلين قـال اليـأس لآمالـي : تـرى الأمـر مْحسـوم=واستسلمت آمالـي .. وسجيـت لحظـة .. وانطربـت
والله عطانـي ميّـزة .. تستخـدم بـوقـت الـلـزوم=تكييف تفكيري ونفسيتـي .. حسـب مـا انـا رغبـت
هذا فقط عن مـا حصـل بينـي وبينـك .. عالعمـوم=لا يروح تفكيرك على انـي فـزت وإلا انـت انغلبـت
الحبّ أسمـى مْـن انـه يكـون لنزاعـات وخصـوم=وبعطيك بيت بصـدره الواقـع.. وعجـزه فيـه كبـت
إغسل يدك مني .. تـراي ابعـد عليـك مْـن النجـوم=وانصحْك..عشْ لـذّة ندمْـك الموجـع لذنـب ارتكبـت[/POEM]


:

وسلامتكم .